‘Maynila handa kay Chedeng’ –Erap
MANILA, Philippines - Nakahanda ang pamahalaang-lungsod ng Maynila sa bagyong Chedeng, ayon kay Manila Mayor Joseph Estrada kahapon.
Sa isang panayam sa telepono, sinabi ni Estrada na inatasan niya ang Risk Reduction Coordinating Committee ng lungsod na maghanda ng kinakailangang contingency plan laban sa bagyo.
Idinagdag ni Estrada na lahat ng mga departamento ng pamahalaang-lungsod ay nakahandang isagawa ang kani-kanilang obligasyon para sa anumang mangyayari.
“Nakahanda kami sa anumang bagyo. Nakahanda ang risk reduction coordinating council ng lungsod. Ipapakalat sa mga pangunahing lugar sa Maynila ang mga ambulansiya at truck para sa rescue operation,” dagdag ng alkalde.
Naunang nagbabala ang National Disaster Risk Reduction and Management Coordinating Council kamakalawa na maaaring magbunsod ng storm surge, flash flood at land slide ang bagyong Chedeng. (Jose Rodel Clapano)
- Latest
