Gabriela nambasag ng salaming pintuan ng DSWD
MANILA, Philippines – Sumugod ang militanteng grupong Gabriela ngayong Lunes ng umaga sa tanggapan ng Deparment of Social Welfare and Development (DSWD) sa lungsod ng Quezon.
Sinubukang pasukin ng mga miyembro ng grupo ang tanggapan ng DSWD upang ireklamo ang mabagal na pagdating ng tulong sa mga biktima ng kalamidad, partikular ang mga biktima ng bagyong Yolanda.
Tumaas ang tension matapos mabasag ang salaaming bahagi ng pintuan.
Kaagad naman napaalis ng mga awtoridad ang militanteng rupo na nagsagawa na lamang ng programa sa labas ng compound ng DSWD.
Pagkatapos sa DSWD, nakatada ring tumungo ang grupo sa tanggapan ng National Food Administration sa North Avenue ng Quezon City upang ireklamo naman ang mataas na halaga ng bigas.
- Latest