135 taon kaarawan ni Quezon, ginunita

MANILA, Philippines - Sama-samang ginunita kahapon ng pamahalaang lungsod Quezon ang ika- 135 taon kaarawan ni dating Pa­ngulong  Manuel Luis Quezon at ang  kanyang mga nagawang hak­bangin tungo sa pagpapa­unlad sa bansa.

Sa isang simpleng sere­monya sa Quezon Me­morial Shrine Museum, kinilala ni QC  Mayor Herbert Bautista ang nagawa sa bansa ng tinaguri­ang ama ng lungsod.

Guest of Honor at  Speaker sa okasyon si dating Senator Edgardo J. Angara, na isa ring taga-Quezon na isa sa may kaalaman sa naging legacy sa bansa ng dating Pangulo.

Sa kanyang speech, si­nabi ni Angara na si  Quezon ay isa sa mga naging haligi sa pagpapaunlad ng Pilipinas kaya  dapat na maipagpa­tuloy ang mga napasimulan nito para makamit ang matinding pagkakaisa sa bansa at paglago ng ekonomiya.

Ilan lamang sa mga le­gacy ni Quezon ang paglikha sa National Economic Planning Authority (NEDA), Govern­ment Service Insurance System (GSIS), Agrarian Reform Agency na ngayon ay Department of Agrarian Reform, National Power Corporation (NAPOCOR) at ang  National Food Agency ( NFA).

Sa okasyon, nag-represent sa pamilya Quezon si Vira Arceo.

Si dating Pangulong  Quezon ay namatay sa tuber­culosis noong August 1, 1944 sa  Saranac Lake, New York.