200 kilo ng botcha nasamsam
Manila, Philippines - Hindi nakalusot sa mga awtoridad ang estilo ng ilang negosyante na ikarga sa mga basurahan ang may 200 kilong double-dead meat o ‘botcha’ na ibinebenta sa Divisoria market sa Tondo, Maynila, kahapon ng umaga.
Inaresto ang isang tricycle driver at kasamang menor-de-edad na nahulihan ng nasabing mga karne nang sorpesang inspeksiyunin ng mga tauhan ng Manila Veterinary Inspection Board sa pangunguna ni Dr. Joselito Diaz.
Ayon kay Dr. Diaz, ikinubli ang mga karne sa basurahan upang hindi pagdudahang botcha ang karga ng tricycle na ibabagsak sa Divisoria market. Napag-alamang nanggaling ang karne sa bahagi ng Caloocan City.
Nangangamoy na umano ang karne at hindi na normal ang texture nito na delikado na sa kalusugan ng kakain nito.
- Latest
- Trending