Bangkay lumutang sa ilog

MANILA, Philippines - Lumutang sa Pasig River ang bangkay ng hindi pa nakikilalang lalaki sa Mandaluyong City kahapon ng hapon.

Nakilala sa kanyang ID ang biktima na Salvador Narvasa, 30, tubong Sagad Valley, San Fabian, Pangasinan.

Ayon kay Sr. Supt. Armando Bolalin, hepe ng Mandaluyong City Police, ang bangkay ay nakita ng mga residente na lumulutang sa Ilog Pasig malapit sa Aligi Park, Brgy. Vergara, Mandaluyong City dakong alas 2:30 ng hapon.

Hindi pa batid kung ano ang dahilan ng pagkamatay ng biktima na dinala sa Pacific Funeral Parlor sa Kalentong St. Mandaluyong City for safekeeping.