Presyo ng LPG tumaas Ni Danilo Garcia

MANILA, Philippines - Aabot sa P16 sa kada tangke ng liquefied petroleum gas (LPG) ang itinaas ng ilang malilit na distributors nito sa bansa na kaanib ng LPG Marketer’s Association (LPGMA).

Nasa P1.50 kada kilo o P16 kada 11-kilon­g tangke ng LPG ang iniakyat sa presyo ng mga kompanyang Regasco, at Omni habang P1 naman kada kilo ng mga produktong LPG ng Liquigaz­.

Ipinaliwanag ni LPGMA partylist Rep. Arnel Ty na tumaas kasi ang palitan ng piso kontra sa dolyar at nagmahal rin ang gastusin sa pagbiyahe ng mga inaangkat na produkto na siyang sanhi ng kanilang pagtataas.

Samantala, maagang nagpahayag naman ang Department of Enery ng posibleng pagtaas rin sa presyo ng iba pang produktong petrolyo dahil sa mataas na average price sa internasyunal na merkado.