Nanita nang nagbabaklas ng poster, inaresto

MANILA, Philippines - Nangangamba ang isang 25- anyos na lalaki para sa buhay ng kan­yang ama nang arestuhin ito matapos na sitahin nito ang mga taga- Ma­nila City hall na nagba­bak­­las ng poster ni da­ting Manila Mayor Lito Atienza sa kanilang lugar sa Sta. Cruz, Maynila.

Ayon kay Michael Sit­chion ng #2237 M. Nati­vi­dad St. Sta. Cruz, May­nila, bigla na lamang uma­ nong inaresto ang kan­yang ama na si Dennis Sitchion ng mga operatiba ng MPD Station 3 ma­tapos nitong sitahin ang mga taga-City Hall.

Sa reklamo ni Mi­chael, dakong alas-10 kamakalawa ng gabi ng bigla na lamang dampu­tin ang kanyang ama sa gitna ng inuman dahil sa naimbitahan umano si Dennis ng kanilang mga kagawad dahil kaarawan nito. Ito ay ilang minuto pa lamang ang nakaka­lipas matapos niyang sitahin ang ilang taga-city hall na nagbabaklas ng poster ni Atienza.

Nagtataka naman ang batang Sitchion kung bakit sa dinami-dami ng mga kainuman ng kan­yang ama ay ito lamang ang hinuli ng pulisya at ka­agad ikinulong sa Sta­tion 3 dahil sa umano’y kasong drinking in public at illegal possession ng replica ng baril.

Nangangamba na­man si Michael sa po­sibleng patuloy pa silang makatanggap ng har­rass­ment mula sa pu­lisya at City Hall dahil iden­tified silang sup­porter ng ka­laban sa pu­li­tika ng mga ito. (Gemma Amargo-Garcia)