Mister dedo sa serial killer

Karumal-dumal na kamatayan ang sina­pit ng isang mister ma­ta­pos itong mapag-tri­pang bugbugin at bag­sakan pa ng malaking tipak na bato sa ulo ng gumagalang umano’y “serial killer”, kama­kalawa ng gabi sa Caloocan City.

Patay na nang ida­ting sa ospital  sanhi ng mga tinamong lamog, sugat sa iba’t ibang parte ng kata­wan at pagkabasag ng bungo ang biktimang si Lucky Dumdum, 29, resi­dente ng Phase 4, Package 1, Block 30, Lot 6, Bagong Silang ng nabanggit na lungsod.

Hanggang sa kasa­lu­kuyan naman ay pa­tuloy na nagsasagawa ng masusing imbesti­gas­yon ang mga awto­­ridad upang ma­tukoy ang pagkakaki­lanlan sa suspect na mabilis na tumakas matapos ang insidente.

Ayon sa isina­ga­wang imbestigasyon, dakong alas-7:20 ng gabi nang maganap ang nasabing insi­dente sa kahabaan ng Sitio Matarik, Brgy. 175, Camarin, Calo­ocan City.

Kasalukuyan uma­nong naglalakad ang biktima sa naturang lugar nang makasa­lubong nito ang suspect na bangag na bangag sa ipinagba­bawal na droga at nan­­lilisik ang mga mata.

Agad umanong ni­la­pitan ng suspect ang biktima at walang sabi-sabing binugbog ito at nang human­du­say na ang huli sa lupa ay agad na bi­nag­­sakan pa ng ma­laking tipak ng bato sa ulo.

Matapos ito, ma­bilis na tumakas ang suspect sa hindi na­tukoy na direksiyon, habang ang biktima naman ay isinugod ng ilang bystanders sa nabanggit na paga­mutan ngunit hindi na rin ito umabot pa ng buhay.

Nabatid na hindi ito ang unang insidente na may kahalintulad na estilo ng pama­mas­lang sa ilang mga duma­raan sa lugar na sinasabing ­ng isang lulong sa droga na “serial killer”.