Criminal case sa OIC ng Boys Town, ikinakasa

Inihahanda na ng lokal na pamahalaan ng Maynila ang kasong criminal laban sa dating officer-in-charge (OIC) at mga empleyado ng Boys Town Complex, matapos na mapatunayan na minomolestiya ng mga ito at binubugbog ang kanilang mga alaga.

Ang pagsasampa ng kasong criminal ay bunsod sa naunang ipinalabas na pagsibak kay Daniel C. Cabangangan noong Hulyo 26, 2005 ni Manila Mayor Lito Atienza at sa lima pang Volunteers nito na sina Eric Sepa, Jolly Divinagracia, Christian Guerra, John Soliven at Paul Navarro.

Bukod dito, napatunayan din ng three-man investigating committee na binubuo nina City Administrator Dino Noble, City Legal Officer Melchor Monsod at Health officer Dr. Marie Lorraine Sanchez na si Cabangangan ay guilty ng pangmomolestiya sa mga kalalakihan sa Boys Town. (Gemma Amargo-Garcia)