Solon bumanat pa kay Eusebio

Pinasusupinde naman ni Iloilo Rep. Rolex Sulpico sa DILG si Mayor Vicente Eusebio dahil sa ginawa nitong pagpapagiba sa palengke ng shabu sa lungsod.

Sinabi ni Sulpico na kung may natitira pang delicadeza si Eusebio dapat itong magbitiw sa puwesto dahil mistulang binura niya ang ebidensiya na magpapatunay na talamak ang bentahan ng shabu sa kanyang lugar.

Naniniwala ang solon na nahaharap sa kasong kriminal at administratibo si Eusebio dahil sa paglabag nito sa ilang probisyon ng Dangerous Drugs Act. (Malou Escudero)