Dating parak natagpuang patay

Natagpuan ang bangkay ng isang dating pulis na tadtad ng saksak sa katawan, kahapon ng hatinggabi sa Quezon City.

Nakilala ang biktima na si ex-PO2 Reynaldo Igdanes, 49, ng 97 Everlasting St., Barangay Central ng naturang lungsod.

Sa inisyal na imbestigasyon ni SPO1 Fedencio Basibas ng CPD-CIU dakong alas-12:05 ng hatinggabi nang matagpuan ang bangkay ng biktima sa may 430 Azucena St. ng nabanggit na lugar.

Isang Christian Daylo ang iniulat na nakakita sa bangkay nito.

Hindi pa malaman ng mga awtoridad ang motibo sa isinagawang pagpaslang sa dating pulis at kung sino ang maaaring may gawa nito.

Patuloy naman ang isinasagawang imbestigasyon ng pulisya ukol dito. (Ulat ni Angie dela Cruz)