Jezebel

Gula 72

“Sige,” niya pa. “Ug pag-amping.”

“Thanks.”

“Ugma moadto ko sa imong boarding house.”

“Ikaw ang mag-igo. Text lang nako kun mopaingon na ka didto aron ko makapangandam. Ug ayaw kalimot sa atong drama sa atubangan sa akong landlady.”

‘Ayaw kabalaka. Anad ko niana.”

Pagkaugma sa udto, nahiabot gyud si Edward sa akong boarding house.

Sanglit nakaila na man kang Edward ang tag-iya sa akong boarding house kinsa nagtuo nga managsuon kami, nakasulod si Edward sa akong room sa dakong kasayon.

Gipahimuslan na usab namo ang higayon. Gisaw-an namo ang kalalim sa lawasnong kalipay sulod sa duha ka higayon. Lunlon kalalim ang among gibati.

Ingon niadto ang among routine. Basta makalugar kami ug walay klase, magkita gyud kami si Edward.

Usahay akoy moadto sa iyang boarding house. May mga higayon sab nga siya’y moadto sa akong boarding house. Ug sama sa naandan, tagbawon namo ang among kaugalingon pagtagay sa dugos sa lawasnong kalipay.

Miabot ang kataposan sa first semester. Naguol ko sa hilom kay wala ko makapasar sa akong major subjects sa accountancy. Gilisdan ko’g maayo niini.

Wala na ko mopadayon pag-eskuwela sa second semester. Nakahukom kong mag-estambay una sa amo. Hunahunaon ko pa kun mopadayon pa ba ako’g eskuwela sa kursong accountancy o dili na. Disappointed kaayo ko sa akong grado.

Dihang wala na ko mag-eskuwela, panagsa na lang kami magkita si Edward. Nagpadayon siya sa iyang pag-eskuwela sa Tagbilaran samtang ako nag-estambay sa among lungsod sa Mabini.

Mopauli siya sa among lungsod matag weekend ug magkita kami. Unya mangita gyud kami’g paagi nga makatagay sa lawasnong kalipay. – Sumpayan pa