Babaye gipanglili - Gula 3
“Dali Sir, mangaon ta kay nagdala man og pagkaon ang akong anak. Birthday man gud nako karon,†timbaya ni Vicente nga amahan ni Karlyn ngadto sa jailguard nga si Noel.
Giandaman ni Karlyn og pagkaon si Noel. “Mapugos g’yud ko pagkaon Vic kay dili nako kabalibaran ang imong anak,†matud sa jailguard. Nakabantay si Vicente nga nakagusto ang jailguard sa iyang anak-dalaga.
“Gisultihan ko sa akong anak nga giayo lagi kuno siya pag-usisa sa kauban nimo nga female guard, mahimo ba nga sa sunod Sir dili na lang nimo ipa-search ang private part sa akong anak kay dili na g’yud kuno siya mobalik pa kun ingon niadto kay mauwaw siya,†ni Vicente pa nga mihangyo ni Noel.
Mitimang sa ilang panagsultihanay si Karlyn. “Bitaw sir Noel, dugay na unta ko nga mobisita ni Papa pero tungod sa estrikto ninyo nga patakaran dinhi sa jail wala g’yud ko mobisita. Kun dili pa lang lagi birthday ni Papa dili g’yud ko moanhi. Nauwaw kaayo ko ganina uy,†matud ni Karlyn.
“Buyno, suwayan nako og hangyo ang akong mga kauban kun mosugot ba sila nga sunod nimong bisita dili ka na lang g’yud rekisahon pag-ayo nga pahukason sa imong underwear,†matud ni Noel.
Taud-taud, nadungog na nila ang lanog nga pahibalo nga pagawason na ang mga bisita. “Pa, adto na ko,†matud ni Karlyn nga migakos ug mihawok sa iyang amahan. Nakita ni Noel nga milugmaw ang luha sa amahan sa dalaga.
“Salamat sir Noel nga nagkasuod mo ug ang akong anak kay basin makatabang ka niya kun duna siya’y tuyo kanako,†matud ni Vicente nga napriso tungod sa pagpamaligya og shabu.
“Dili ka na man mailhan nga sakop ka sa BJMP karon nga wala ka na mag-uniporme,†giingnan ni Karlyn si Noel.
“Gituyo nako ni kay ihatud tika sa inyo aron usab makatultol ko sa inyong balay. Daghang mga habal-habal diha pero pabayron ka nila’g mahal unya ang uban bugal-bugalan kun dalaga ang mosakay,†matud ni Noel.
Tuod giangkas g’yud ni Noel si Karlyn sa iyang motorsiklo. “Sa Dulho-Fatima ang among balay sir Noel,†matud ni Karlyn. “Noel na lang ang itawag nako, Karlyn, ayaw na ko’g tawga og Sir.â€
Diritso ra nga gihatud ni Noel si Karlyn sa ilang panimalay. Tinguha niya nga masuod niya ang dalaga. Nagbayloay sila og contact numbers sa ilang selpon. “Sige Lyn, text-text lang og ayaw katagam pagduaw sa imong Papa sa city jail. Hain may maayo og ako lay mo-inspection nimo?
Nagkataw-anay sila si Karlyn ug Noel.
—Sumpayan
- Latest
