Unfinished business

Good evening, Miss Kris, Miss Ay-ay and Mr. Freddie” matud sa hamtong lalaki nga entrante sa Pilipinas Got Talent. Naggunit na siya’g mikropono nga nagbarog sa bantawan atubangan sa tulo ka judges. Mapahiyomon siya.

“Hi!” ni Freddie. “Hi!” ni Ay-ay. ‘Hello there!” ni Kris. Nagpahiyom sab silang tulo. “What do you want to do?” ni Kris.

“I’m going to sing” matud sa lalaki nga morag announcer sa radyo ang tingog.

“What is your name?” ni Ay-ay.

“I’m Charlie Gomez” niya pa, nga naggunit sa mikropono sa toong kamot. Ang iyang walang kumagko nagkaw-it sa walang bulsa sa maong niyang karsones. Ala Fernando  Poe,  Jr.

“Bakit ngayon mo lang naisipang sumali sa talent contest?” ni Freddie. Nakuryoso. Kay saysintahon na ang hitsura sa contestant. Semi opaw ang buhok. Medyo maskulado o macho og lawas. Morag retired police o ex-military. Kapin kun kulang 5’7” ang gitas-on.

“I want to prove something to my family, friends and relatives” ni Charlie. Seryoso.”

“Bakit? What is it that you want to prove to them?” ni Ay-ay.

“Kasi, mula bata pa ako nakahiligan ko na ang kumanta. Hilig ko talaga ang musika. Nag-aral akong tumugtog ng gitara at piano. Kaya lang, alam kong hindi ako magandang tingnan. Hindi ako pogi. Kaya, I want to prove to them na maski hindi ako magandang tingnan, maganda na man akong pakinggan,” ni Charlie sa mapaubsanong tuno.

Nauknol ang tulo ka judges. Gibati’g kalooy sa contestant. Di gyud tood siya guwapo. Nakadayeg sila sa kaprangka niya.

“Alam ba nila na sumali ka dito?” ni Freddie. “Well. Ngayon, malalaman na nila. Kasi manood sila ng TV. Hindi ako nagpaalam sa kanila eh” ni Charlie. Nipahiyom og nipis.

“Ano ba ang trabaho mo?” ni Ay-ay. “Isa po akong CPA. Pero retired na sa practice. Nagturo na lang ng ilang subjects sa kolehiyo” ni Charlie. Nitan-aw sa ubos.

“Hindi ba nila sinabi sa iyo na maganda ang boses mo? Kasi maski sa pananalita narinig namin ang timbre ng boses mo” ni Kris.

“Seguro, ang speaking voice ko maganda. Sana ganon rin ang singing voice ko. Kasi, hindi talaga malalaman kung di mapakinggan” ni Charlie.

“Hindi ba nila sinabi na maganda ang singing voice mo?” ni Kris.

“Hindi. Nakasimangot lang sila habang kumakanta ako. Dito ko talaga dapat malaman kung ano ang uri ng singing voice ko,” ni Charlie.

“Sige. Kumanta ka na” ni Freddie.

“Sorry po. Puwede ba? Meron sana akong sasabihin bago kumanta?’ ni Charlie. Nahilaw ang nawong. Naisang kilay sa tulo ka judges.

“Okay. You have thirty seconds,” ni Kris.

“Itong pagsali ko didto, ang tinatawag kong unfinished business. Pwede na ako mamatay pagkatapos ko sa pagkanta. Lalo na kung makamit ko ang “Yes!”. Kasi tapos ko na ang katungkulan ko sa mga anak ko. Lahat na sila mga  propesyonal. At may pera na akong iniwan sa asawa ko” ni Charlie. Subo ang nawong.

“Huwag naman. Kung maganda kang pakinggan, magkaroon ka pa ng singing career sa iyong pagtanda” ni Ay-ay.

Gikanta ni Charlie ang “A Better Man” nga gipasikat ni Engelbert Humperdinck. Akapela. Nahilom ang mga judges ug audience. Paghuman, standing ovation. Yes na yes ang tulo ka judges.

Nakahilak si Charlie sa kalipay. Kay sa iyang mga  kapamilya, wa siya kadungog nga gidayeg iyang kinantahan. Ngano kaha? Kahilakon man god iyang nawong tan-awon kun magkanta. Mora sab og kalibangon. Apan mao lagi. Nakaprobar ba gyud siya nga nindot siyang paminawon. Kay namiyong man ang tulo ka judges sa pagkanta niya. Kay kun wa pa, magsigi tingale’g katawa. (Katapusan)