Maunongon Ang Gugma

Gula 58

“Mora’g posible tuod kanang imong pangagpas, Kirat,” ni Randy pa nga ingon sa nakombinser na sa gisulti sa iyang sinaligan. “Pero dili ko gustong kutob lang kamo sa pangagpas. Kompirmaha ninyo kining hitaboa.”

“Oo, Boss,” ni Kirat. “Among i-trace kun si Danica ba gayod ang gi-hostage sa usa ka pugante.”

“Ug kun inyo nang makompirmar nga si Danica gayod ang gidagit sa pugante, pangitaa ninyo sila. Tingalig unsa nay gibuhat sa salbahis nga pugante sa akong pangasaw-onon.”

Nanawag si Brandon Mercado kang SPO3 Romualdo Genteroy. Nag-follow-up siya mahitungod sa pagpangita sa kapolisan kang Jeffrey.

“Wala pa ba gyu’y development bahin sa pagpuga ni Jeffrey Acero, Genteroy?” Sukit ni Brandon sa gikahinabi sa telepono.

“Na-trace na namo nga atua siya mopaingon sa Southern part of Cebu,” ni SPO3 Genteroy pa. “Pero naglisod kami pagtultol sa espisipikong dapit nga iyang gitagoan karon.”

“Wa kaha kadto makatabok ngadto sa laing probinsiya?”

“Nagtuo kong wa, Boss. Na-block-kan na namo ang tanang possible exit niya paingon sa silingang mga probinsiya. Nagtuo kong nia ra siya sa Cebu.” -- Sumpayan pa