Panlilio’s skin disorder similar to Michael Jackson’s

Usa ka higayon niana, dihang nakalakaw na si Fred paingon sa trabaho, akong giguba ang pultahan sa kuwarto nga iyang gibilanggoan nako. Pagkahuman, gisunod nako pagguba ang front door sa apartment. Nakagawas gyud ko sa apartment.

Sa didto na ko sa gawas, misantop sa akong hunahuna nga wala koy kuwarta Mibalik kog sulod sa apartment ug gilungkab ang drawer nga gibutangan sa kuwarta ni Fred. Lima ka tag P500 ang akong gikuha. Wala nako hutdag dala ang kuwarta ni Fred. Nagkuha lang kog igong magasto sa akong paglayas.

Migawas dayon ko sa apartment ug mipalayo sa maong dapit. Wala na koy laing kapaingnan maong mihukom kong mopauli sa Bohol. Tuod man, nahiabot ako sa Bohol nga tapot-lawas ra. Wala nako madala ang akong mga sinina tungod sa pagdali-dali. Midiretso ko sa balay sa akong mga ginikanan. Nakugang sila pagkakita kanako kay makaluluoy kuno kaayo kong tan-awon.

Gisuginlan ko sila si Papa ug Mama sa nahitabo kanako. Naghilak ko samtang nag-asoy sa akong gidangatan sa mga kamot ni Fred. Nagpasalamat ko nga bisan sa pagkamasupilon kong pagka-anak, andam gihapon sila si Papa ug Mama nga midawat nako.

Daghan  ang nahitabo sa Mabini samtang didto ko sa Cebu. Nabalitaan ko nga naminyo na si Richard ug nagtukod og balay dili layo sa balay sa akong mga ginikanan. Buotan kuno kaayo ang asawa sa una kong boyfriend. Si Danilo usab nabaniog nga may gikatipon nang laing babaye ug may anak na sila. Mibalik na sab si Ate Divina sa among lungsod. Mipauli siya nga nagdala na og bana ug mga anak.

Nakigkita ko ni Ate Divina ug nangayog pasaylo. Gisultihan ko na siya sa matuod nga dili kabubut-on ni Danilo ang nahitabo kanamo kun dili akoy misulod sa kuwarto nga gipahigdaan kaniya ug namugos nga angkonon niya ang akong pagka babaye. Gipasaylo ko ni Ate Divina sa akong pag-ilog ni Danilo gikan kaniya kaniadto.

Nasina ko sa mga tawong malipayon. Kay kun kaniadto langit kanunay ang akong nasinati ug natagamtaman sa kiliran sa lainlaing mga lalaki, sa kapulihay nahimo man nga impiyerno ang kong kinabuhi.

Sangko sa langit ang akong pagbasol. -- Kataposan