Bianca ug Lino nag-abot sa Hongkong

Coincidence o wala tuyua niadtong nakalabay nga Holy Week, nga nag-abot ang kanhi manag-uyab nga sila si Bianca Gonzales ug Lino Cayetano. Of all places, sa Hongkong pa gyud.

Tsika sa PangMasa nga nagkabasyon ang duruha sa Hongkong ug sa usa ra ka hotel sila nag-istar, ang Marco Polo Gateway. Apan matud pa sa PangMasa nga sa dili pa motingkag ang inyong mga dunggan, angay nga hibaw-an dili silang duruha ang nagkuyog didto.

Si Bianca kauban sa iyang mga co-hosts sa Pinoy Big Brother nga sila si Mariel Rodriguez ug Toni Gonzaga, kuyog usab sa iyang manghod nga si Cathy.

Si Lino usab, nikuyog sa iyang igsuon nga si senatoriable Allan Peter Cayetano, nga nakighimamat sa mga OFWs sa Hong Kong.

Kahinumduman nga nag-abot usab sa Boracay niadtong milabay nga tuig ang duruha atol gihapon sa Holy Week, dihang bag-o pa sila nga nagbuwag.

Sa Hongkong usab nakontrobersyal si Lino human nabalita nga nag-uban sila didto ni KC Concepcion balig usa ka semana, bisan og ang tinood tunga lamang sa adlaw.