Robin ug Angel hukman

Karong gabii pagkahuman sa "24 Oras" makita na sa GMA-7 ang sugod sa pilot week sa "Asian Treasurers" nila ni Robin Padilla ug Angel Locsin diin puno dayon sa aksiyon ang mga eksena.

Ipaila si Robin isip Elias kinsa usa ka stuntman nga nagtuong siya ang bida sa pelikulang iyang gigama ug tungod sa iyang pagpangilog og eksena sa bida nataktak siya sa trabaho.

Samtang ipaila usab pinaagi sa usa ka fashion show si Angel isip Gabriela nga usa ka Muslim princess nga milayas ug makaaway ang grupo sa mga lalaki.

Mapanalipdan kaha ni Gabriela ang iyang kaugalingon? Unsaon nga magtagbo ang ilang dalan ni Elias?

Nausab na ang programming sa GMA-7 sa primetime, human sa "AT" sunod ang "Atlantika" dayon "Bakekang," "Jumong" ug ulahi na ang "Star Struck: The Next Level" tungod kay matud pa bug-at na kaayo ang challenges sa maong reality based artista search.