Christian ug Rachelle mga virgin

Virgin pa si Christian Bautista sa pangidaron niya karon nga 23-years old. Kini maoy mapasigarbohong gipahibaw sa Asian Pop Idol ngadto sa showbiz press, dungan sa pag-ingon nga "And I'm proud to be one."

Matud niya nga dili siya pareho sa uban nga duna nay kasinatian sa pre-marital sex tungod kay ang iyang prinsipyo mao nga magpaabot siya sa tukmang panahon.

Malipayon usab siya nga mipahibaw ngadto sa press nga virgin pa usab ang iyang uyab nga si Rachelle Ann Go. "We will wait until we get married."

Suma pa ni Christian nga ang iyang mga ginikanan maoy labing dako nga rason nganong virgin pa siya hangtud karon sanglit gimatutu siya nila nga mahadlokon sa Ginoo.

Malipayon usab si Christian nga mipahibaw nga nindot ang mensahe nga buot paambitan sa iyang labing una nga pelikula, Mano Po 5: Gua Ay Di.

Kini mao kinahanglan nga magminyo tungod kay nakahinigugmaay ang duha ka habig ug dili tungod kay dunay mga rason o pabor nga makuha.