Vina nakugang ni Borgy

Gitin-aw ni Vina Morales nga dili tinood ang pamahayag ni Borgy Manotoc sa radio program ni DJ Mo Twister nga usa siya sa mga babaye nga naka-one night stand sa nahisgutang model.

"Honestly, hindi ko alam kung ano ang ire-react ko kasi nga he has never been a part of my life," suma pa ni Vina ngadto sa PangMasa. "Kung naging part siya ng buhay ko, magagalit ako kasi kiss-and-tell siya," dugang pa niini.

Matud ni Vina nga gipangayo pa niya ang cellphone ni Borgy gikan ni Philippine Star Entertainment Editor Ricky Lo tungod kay hangyuon niya ang nahisgutang anak ni Rep. Imee Marcos nga bakwion ang gisulti niini.

"He has to clear my name because it's so damaging naman on my part."

Gipangutana si Vina kun mokiha ba siya kun dili bakwion ni Borgy ang gipamahayag niini apan mitubag siya nga wala na kinahanglana pa tungod kay mabaw ra kaayo kini nga hinungdan kung mokiha pa siya.

Sa komentaryo nga swerte si Vina kon ugaling tinood nga nagka- one-night stand sila ni Borgy sanglit "crush ng bayan" ang nahisgutang model diin daghang mga mahuyang ang nangandoy niini, nagkanayon si Vina, "Kaya nga, natatawa na lang ako kasi wow, Borgy Manotoc 'yan, no! Pero not true talaga," subling pagklaro niini.

Michael V. pildi ni Matt

Gikatahong two Saturdays na nga gipildi sa "Da Adventures of Pedro Penduko" ni Matt Evans ang kaatbang niini nga "Bitoy's Funniest Video" ni Michael V.

Ang nahisgutang mga programa maoy nagkontra karon matag Sabado sa hapon ug dili ang "Fantastikids" ni Marky Cielo nga matud pa gipukan usab sa "Da Adventures of Pedro Penduko" niadto pa dihang sila maoy nagtigi.

Pwes happy si Martt tungod kay mas milig-on ug mas misikat siya karon gumikan kay Michael V. na ang iyang gipildi.

Apan matud pa sa mga showbiz people, ang nakanindot mao nga wala gihapon mausab si Matt ug dili kini apektado sa iyang popularidad. Matud pa niya ang iyang focus karon mao nga buhaton pa niya ang kutob sa iyang mahimo tungod kay maikog siya sa mga tawo nga misalig kaniya.

Gawas sa "Da Adventures of Pedro Penduko", apil usab si Matt sa "Love Spell" every Sunday with Ai-ai delas Alas, Vhong Navarro ug ang uban pang mga PBB Teen housemates sa episode nga "Pasko Na, Santa Ko".