Mama ug manghod ni Jericho gikiha

Pasado ala una y medya kagahapon sa hapon mipasaka og kaso ang live-in girlfriend kaniadto ni Jeremiah Rosales, manghod ni Jericho Rosales, nga si Ethel Gonowon batok sa nahisgutang young actor, lakip na usab ang inahan niini nga si Mrs. Rose Rosales.

Base sa taho sa PangMasa duha ka kaso ang gisang-at ni Ethel didto sa Pasig Prosecutor's Office inubanan sa iyang abogado nga si Atty. Rizal Balbin. Ang nahisgutang mga kaso mao ang Law on Anti-violence against women and their children batok ni Jeremiah. Samtang Frustrated Intentional Abortion usab batok kang Mrs. Rosales.

Si Ethel adunay duha ka mga anak kang Jeremiah. Kahinumduman nga kaniadto pa aduna nay problema ang magtiayon. Ug kini kabahin sa sustento ni Jeremiah ngadto sa ilang mga anak. Jen-Mark vs. Kim-Gerald

Pressure para kang Jennylyn Mercado ang mga taho nga hinungdan nganong gipuno sila ni Mark Herras sa cast sa Love to Love nila ni Cogie Domingo ug Lovi Poe mao ang tinguha nga mosaka ang rating sa nahisgutang show.

Ang tinubdan sa PangMasa nagkanayon nga tumong sa GMA Artist Center nga matupongan kundi man malabwan ang kaatbang niini nga programa nga Love Spell nila ni Gerald Anderson ug Kim Chiu.

Tuod man, pressure gayud kini kay ila ang responsibilidad aron malabwan ang kaatbang. Asuy pa ni Jennylyn sa PangMAsa nga ila gayud buhaton tanan ni Mark para mamaayo ang ilang trabaho ug dili ang intensyon nga pildihon ang pikas istasyon.

Samtang sa dihang nabalitaan ni Kim ang maong plano sa GMA-7 nga iatbang ang loveteam nila Mark ug Jen kanila, nalipay ang Cebuana Cutie kay kaniadto pa idolo niya ang nahisgutang mga Starstruck winners.

Matud pa ni Kim sa PangMAsa, pressure usab sa ilaha ang pakigbangi sa hottest loveteam sa GMA apan wala gayud siya'y plano nga makigkumpetinsiya kay kahibaw siya'ng nag-una na nila sa duyan sila si Mark ug Jen. Sharon batok Maricel sad

Makalingaw gayud ang mga fans nila ni Megastar Sharon Cuneta ug Diamond Star Maricel Soriano kay nag-away pinaagi sa nagkadaiyang Internet forums.

Makalingaw tuod ang ilang mga gi-post sa net. Suma pa sa usa ka fan ni Maricel nga wala na gyuy laing gibuhat si Sharon sa iyang programa matag Domingo kung dili ang paghilak-hilak kay pildi man ang iyang show sa rating sa kaatbang nga programa nga Daddy Di DO Du.

Mitubag usab ang mga fans ni Sharon, nga at least, visible pa ang ilang idolo. Samtang si Maria, kung dili pa tungod ni Dolphy, dili kini mahatagan og project nga "John En Shirley."