Bahaw nga isyu naghamok ni Yul

Nakugang ang award winning actor nga si Yul Servo nganong karon lang gipistahan sa showbiz press ang isyu nga gumikan sa iyang kahubog, wala na siya masayod nga nag-take home na diay siya og babaye nga gika-one night stand niya.

Kini tungod kay matud ni Yul, panahon pa ni Mampur ang maong taho o to be exact, duha ka tuig na ang nakalabay sa dihang unang migawas ang maong isyu.

Subling gipanghimakak ni Yul ang isyu kalabot sa babaye nga iyang gilumluman sa iyang balay og usa ka gabii, bunga sa iyang pagkahubog.

Sa pagkakaron, padayon siyang nagkugi sa iyang show nga "Calla Lily" sa ABS-CBN nga gi-direk ni Mario J. Delos Reyes. Kontrabida ang role ni Yul sa nahisgutang soap. Siya mao ang hinungdan og nganong magkabuwag ang ginikanan nila Calla ug Lily nga sila si Ana Roces ug Gerald Madrid. Pamilya rason sa break-up

Giangkon ni Roxanne Guinoo nga pila usab ka semana ug pila usab ka balde nga luha ang nausik niya una siya nakadawat nga buwag na sila ni Joross Gamboa. Matud niya sakit kaayo ang nahitabo tungod kay first boyfriend niya ang nahisgutan.

Apan iyang gipaneguro nga maayo ang ilang mga kabubut-on nga nagbuwag dili sama sa ubang nagkarelasyon nga nag-away ug wala na magtingganay.

Okay na si Roxanne karon gani nagpasexy na ang dalaga atol sa presscon sa "Crazy for You."

Mas revealing ug seksi ang gisul-ob niya nga sinina kumpara sa mga saninang iyang panul-ubon kaniadtong sila pa ni Joross.

Tuod man, wala na gihatag ni Roxanne ang tibuok detalye og nganong nagbuwag sila. Daghan lang kaayo sila'g giagian nga kalisod karon ilabi na may kalabutan sa ilang pamilya. Dili usab nila gusto nga makapasakit pa og laing mga tawo maong nagdesisyon na lang sila nga magbuwag.

Sa laing bahin, dili na niya makauban si Joross sa umaabot nga primetime bida sa ABS-CBN nga "Crazy for You." Si John Pratts na ang iyang partner nga matud pa niya higala na niyang daan kaniadto pa sa ASAP Fanatics.