Iwa bag-ong 'ultra pasaway'

Ultra pasaway o sa binisaya pa labihan ka salawayon. Kini maoy angga karon ni Starstruck Princess Iwa Moto nga matag karon ug unya imposibli nga dili malambigit sa kontrobersya.

Kini maoy hinungdan nga ang entertainment editor sa PangMasa Salve Asis mitambag kang Iwa nga himoong motto ang pagtak-om sa iyang baba panagsa ilabi na sa mga panahon nga makapasakit siya sa uban.

Sa pagtimbang timbang ni Salve imposibli nga dili mabantayan o matagad si Iwa gumikan kay taas siya kaysa sa iyang edad nga 17, slim ug hamis ang pamanit busa milugwa gayud ang nahisgutang haponesa bisan sa kadaghan sa mga tawo nga naglibot kaniya.

Matud ni Salve makapakugang usab ang kinaiya ni Iwa nga walay lipod lipod nga iyagyag ang mga tinaguan nila ni Jackie Rice ug Jana Roxas on national television nga unta nangangkon man siya nga iya kining mga barkada.

Tungod sa maong personalidad ni Iwa, matud ni Salve nga imposibli nga dili mulutaw si Iwa sa higayon nga mo-guest siya sa bisan asa nga talk show ilabi na nga maayo usab siya nga manabi.

Busa dugang tambag ni Salve kang Iwa "Honesty may always be the best policy," aron mulungtad sa showbiz.

Karen balik showbiz

Laing "pasaway" nga artista usab ang gidungog nga mobalik sa showbiz human nahanaw nga murag buwa mao si Karen delos Reyes nga unang nailhan gumikan sa usa ka commercial alang sa usa ka international food chain.

Tsika sa PangMasa mao nga dili kahibudngan nganong walay nangita ug gimingaw kang Karen sa dihang nahanaw siya sa showbiz, tungod kay matud pa tanang mga artista nga iyang naka-trabaho puros niya gipang-away.

Hinungdan nga tambag kaniya sa showbiz press mao nga karon nga mobalik na usab siya sa industriya pinaagi sa panabang sa bag-o niyang talent manager, angayan nga usbon niya ang iyang dili maayong batasan.

Mariel nagminaot

Gisaway usab karon sa showbiz press si Mariel Rodriguez tungod kay matud pa nagsige og limod bisan na ngadto sa iyang suod nga mga higala kalabot sa tinood nga relasyon nila ni PBB Celebrity Housemate Zanjoe Marudo.

Apan ang mga tinubdan sa PangMasa miingon nga mas maayo nga dili na lang magminaot pa si Mariel gumikan kay matud pa nila"o "

Gawas niini miingon ang showbiz press nga dili na lang unta magnilabad si Mariel gumikan kay kon buot huna-hunaon walay dautan kon duna magkauyab sila ni Zanjoe tungod kay dalaga sila ug ulitawo busa walay mga kabilinggan.

Dugang pa nila nga si Zanjoe karon usa sa labing in demand nga talents sa Star Magic busa mas maayo pa nga ibutyag na lang ni Mariel ang tinood nila nga relasyon kay kinsay nasayod, mahatagan pa sila og movie o dili ba teleserye.