Jolina ug Bebong magpakasal?

Sa ikaduhang semana sa May, 2006, moabot dinhi sa nasud ang uyab ni Jolina Magdangal nga si Atty. Alfred "Bebong" Munoz, aron anhi na magbase for good.

Hinungdan nga gisungog si Jolina sa PangMasa nga super gayud siya ka love ni Bebong tungod kay gibiyaan niini ang maayong trabaho didto sa Estados Unidos aron lang gyud siya ikauban sa hingpit.

Gipun-an usab siya sa pagsungog nga hayan kasal na ang musunod sa mao unya nga pag-uli ni Bebong apan mitubag si Jolens sa pag-ingon nga, "Noon pa po talaga namin napag-uusapan na uuwi na siya. Ngayon lang po nagkaroon ng date."

Cherry Pie, lalake ang gusto dili tomboy

Bisan walay TV project si Cherry Pie Picache malipayon ra gihapon siya tungod kay tulo ka mga pelikula tanan ang iyang makompleto paghuman karong tuiga, nag-una niini ang "Manay Po," sunod ang "Kaleldo" ug "I want to be happy" sa Seiko Films.

"I'm thankful kasi wala pa akong regular na tapings ngayon but the movies are coming in naman. Nakakatuwa kasi mas gusto ko ngang mag-concentrate on doing films. Though last year, I did two movies naman na magaganda. And in fairness, maga-ganda lahat ng mga projects ko for 2006. Hopefully tuluy-tuloy ito."

Sa Manay Po nga isalida na karong Mayo 31, sama sa nasayran na papel sa usa ka inahan nga dunay anak nga tulo ka bayot ang character nga gidala ni Cherry Pie.

Hinungdan nga miingon si Cherry Pie nga kon sa pelikula, kataw-anan ang maong salida basin ug mabuang siya kon mahitabo kini sa iyang tinood nga kinabuhi.

"It's an initial reaction ng isang magulang. Kasi iisipin mo kung saan ka ba nagkamali sa pagpapalaki sa kanila, 'di ba? You end up blaming yourself kasi naiba ng landas ang mga bata.

Apan sa samang higayon matud pa niya basin og pagbuot gayud sa kahigayonan nga bayot ang imong anak busa angayan nga dawaton na lamang usab kini.

"Nasa acceptance naman 'yan, eh. And wala naman akong nakikitang masama sa pagiging bading. I find gay people so creative at masisipag sila. Hingahan pa sila ng mga problema kaya gustung-gusto kong makasama ang mga gay friends ko. Nakakaalis sila ng problema sa buhay kasi masasayahin silang mga tao."

Hinoon miingon siya nga bisan og open-minded pa siya dili niya ma-imagine nga makig relasyon sa same sex sanglit lahi ra gayud ang tinood kaysa nagpaka aron ingnon.

Miriam buwag na sa bana?

Wala pa gihapoy klaro nga tubag si Miriam Quiambao kon tinood ba nga nagbuwag na sila sa iyang Italian businessman husband hinungdan nga miuli na siya dinhi sa Pilipinas.

Ang klaro lang mao nga nibalik na si Miriam sa TV isip co-host ni Paolo Bediones sa "Extra Challenge" sa episode karong semanaha nga "No Politics," diin ang guests mao sila si Cavite Congressman Gilbert Remulla, Laguna Congressman Timmy Chipeco, Party List Congressman Liza Hontiveros-Baraquel ug Congresswoman Darlene Custodio.

Tungod niini, daghan ang nangutana kon magpadayon na ba si Miriam sa EC karong wala na si Ethel Booba? Hinoon kon buot huna-hunaon siya maoy orihinal apan gipulihan ni Phoemela Baranda human siya naminyo.