Carlo Aquino andam na nga mag-bold

Andam nga makighawok sa masig ka lalake as in lips to lips ingon man modala og binayot nga papel ang kanhi multi-awarded star nga si Carlo Aquino karon nga contract star na siya sa Viva Films.

Three year eight picture contract ang gipirmahan ni Carlo ubos sa Viva ning bag-o lang diin nalakip na niini ang kasabutan nga mohimo usab siya og duha ka album ubos sa nahisgutang kompaniya.

Moving into bigger and challenging na gyud si Carlo diin karon pa lang nipadayag kini nga willing usab siya nga mohimo og butt exposure as long as gikinahanglan sa estorya.

Gipasabot ni Carlo nga career move ang iyang pagtapon gikan sa Star Magic ngadto na sa nataran sa Viva sanglit ang naulahi lang ang dunay offer nga i-produce ang iyang album.

Truth is sugdan na karong sunod buwan ang paggama sa iyang unang album diin makauban niya ang mga sakop sa iyang gipangulohan nga live band.

Movie-wise gitakda nga himoon ni Carlo ang pelikula nga giulohan og "Ala-ala ng Tag-ulan" kauban si Maui Taylor.

Bag-o ra usab siya nahuman og himo sa pelikulang "Tuli" uban si Desiree del Valle ug Vanna Garcia nga produced by Viva nga medyo seksi na ang tema.