'Darna' masakiton

Walay pu-as ang pag-ubo ubo ni Angel Locsin tungod kay matud pa nagkagrabe ang iyang gihambin nga balatian gumikan sa sobrang kalapoy sa lawas.

Kanunay nga over fatigue si Angel hinungdan nga gikatahong misamot ang iyang bronchial infection nga una nang nahibaw-an pila ka buwan ang nilabay atol sa Grand Kapuso fans day sa GMA-7 didto sa Estados Unidos.

Labihan ka busy ni Angel tungod kay human sa iyang taping kada adlaw alang sa pantaserye nga Darna modiretso na usab kini alang sa shooting sa "Mulawin the Movie" nga maoy entry sa GMA Films alang sa Metro Manila Film Festival karong Disyembre.

Gawas pa daghan usab si Angel og tv appearances hinungdan nga dili malikayan usahay nga ma-cancel ang maong mga commitments tungod kay mosurender na gyud ang lawas ni "Darna."

Luyo niining tanan super ganado gyud si Angel nga motrabaho tungod kay matud pa wala mabuntog sa ratings game ang iyang pantaserye kontra sa "Vietnam Rose" nga gibidahan ni diamond star Maricel Soriano sa Kapamilya network.