Marco ug Nancy nag- check-in sa Waterfront

Sa ikaduhang adlaw nakong kuyog-kuyog sa higala nakong actor nga si Ricky Davao, sa dayon na nilang check-out (kauban sila si Irma Adlawan ug Lauren Novero), may namatikdan usab akong laing showbiz personalities nga bag-o lang mi-check-in, sila si Nancy Castiglione ug ang Sugbuanong bag-ong actor nga si Marco Antonio.

Si Nancy, sa laing kwarto ug si Marco, sa laing kwarto usab, apan dili kanunayng makita si Marco sa giistahan niyang lawak tungod kay moadto man usab kini siya sa ilang pinuy-anan uban sa iyang mga ginikanan ug mga igsuon.

Nahitabo kini sa Domingo sa buntag, Agosto 14. Sila si Marco ug Nancy maoy host sa tinuig nga convention sa mga dealers sa Avon. Gani, nagkasulti pa sila si Ricky Davao ug ang president sa Avon, kay kaniadto, kon dili available si Edu Manzano, si Ricky Davao man ang mopuli isip host sa maong tinuig nga convention.

Mahinumduman si Marco isip bodyguard ni Jay Manalo sa "Aishte Mashu 1941" ug leading man ni Jodi Sta. Maria sa "Ang Birhen sa Manaoag."