Ronnie at Loisa, mag-asawa na; aktres, buntis na ba?
Mag-asawa na sina Ronnie Alonte at Loisa Andalio.
Ginulat nga nila ang social media nang aminin nilang ikinasal na sila.
Walang ibinigay na detalye ang bagong mag-asawa kung saan at kailan naganap ang kasalan.
Nag-post lang ang actor at basketball player ng photos ng kanilang kasal na may caption na “Zup! Mrs.Alonte?,” na sinagot ni Loisa ng “Hi.”
Nababalitang buntis na si Loisa tho wala pa silang inaamin habang sinusulat namin ito.
Maging ang showbiz friends nila ay nagulat base sa kanilang mga comment sa post ni Ronnie.
Nang huli naming makita si Loisa sa intimate presscon ng Shake, Rattle & Roll: Evil Origins na kasama si Carla Abellana ay wala pang may idea that time na misis na pala siya.
Nine years na ang relasyon nila at dasal ng fans nilang ‘wag silang matulad sa iba na kung kailan ikinasal ay saka nagkakaproblema.
- Latest
