Kalikupan tema sa float sa Kapitolyo

CEBU, Philippines - Nikabat sa P1 milyon ang budget sa Kapitolyo alang sa contingent sa Probinsiya sa Sugbo sa Sinulog. Lakip niini ang pagkaon, uniporme, abang sa senina sa mga dancers ug mga casts nga mosakay sa float ug ang gasto sa paggama sa float.

Ang pangulo sa Provincial Tourism Office, Joselito “Boboi” Costas, nibutyag nga sa maong kantidad P500,000 niini ang gasto sa float.

Gibutyag ni Costas nga sila maoy nag-conceptualized sa float diin kabahin kini sa pagtuo nga ang kalikupan giatiman ug giprotektahan sa mga diwata ug ang labaw sa tanan ang pagtuo ngadto kang Santo Niño.

Ang adorno sa float mga endemic nga tanom ug hayopan diin ang porma mismo sa float mao ang langgam nga Cebu Flowerpecker ug Kawasan Kite (dakung kaba-kaba) nga makita lang diha sa Kawasan.

Ang contingent sa probinsiya langkuban kini sa mga opisyal nga pangulohan ni Gobernador Hilario Davide III ug Bise Gobernador Agnes Magpale ug giimbitar sab nila ang Cacao Queen nga si Raquel Choa. (BANAT NEWS)