Trader, 1 pa na umaarbor ng drug suspect, kalaboso
MANILA, Philippines – Kalaboso ang isang negosyante at isang babae matapos magtangkang manuhol ng malaking ha-laga ng salapi sa mga tauhan ng Quezon City police kapalit ng pagpapalaya sa isang drug suspect kama-kalawa ng hapon sa Brgy. West Fairview ng nabanggit na lungsod. ng bilanggo sa naturang police station sa may kahabaan ng Pearl St., Brgy. West Fairview, Quezon City alas-5:15 ng hapon ng Biyernes.
Kinilala ni QC Police Chief Guillermo Eleazar ang mga nadakip na sina Allan Brayn Panganiban, 31, negosyante ng The Grand Towers Condo, De Ocampo St., Malate, Manila at Ronalyn De Leon, 26 anyos Brgy. Greater Fairview, Quezon City.
Sa ulat, si Panganiban at De Leon ay nagtungo sa Police Station 5 at nagpakilalang pinsan at kaibigan ng bilanggong si Frederick Rejante, alyas Fritz, isang kilalang drug pusher na nahuli sa isang buy-bust operation ng PS-5 SAID sa Ever Gotesco Parking lot, Pearl Drive kanto ng Commonwealth Ave., Brgy. Greater Fairview, Quezon City.
Kinausap umano ng dalawang suspek ang mga opisyal ng police station at nag-alok ng P50,000.00 para mailabas sa kulungan si Rejante. Bunga nito, agad inaresto ng mga pulis ang dalawa at kinasuhan ng bribery.
- Latest