Joseph, consistent sa pag-aampon ng hayop
Kilalang animal welfare advocate si Joseph Marco, at muli na naman siyang nag-ampon ng isa pang rescued animal matapos makakita ng isang may sakit na kuting.
Pinangalanan niya itong Cosmo, at ngayon ay kabilang na ito sa 19 na alagang hayop na inaalagaan ng aktor sa kanyang tahanan.
“Yesterday lang may napulot ako. Coming from the gym, may nakita akong kitten sa taas ng vending machine. I called the cat. Sobrang dehydrated. I had no choice but to take her in.
“Right now I technically have 19. Thankfully I have a huge place. Nakaka-ikot sila and may tumutulong sa akin mag-alaga,” sey ng aktor
Nahihirapan daw si Marco na hindi pansinin o tulungan ang isang hayop na nangangailangan.
“Minsan kapag tiniis mo, pag hinayaan mo, yeah no added reaponsibility — but based on my experience hinahaunt ako ‘pag ‘di ko natulungan ang dapat matulungan,” katwiran pa niya.
Sheena, Ipinakita ang bagong anak
Mommy of three na si Sheena Halili!
Ibinahagi ni Sheena sa Instagram na isinilang niya ang kanyang ikatlong anak, isang baby boy, noong Lunes, September 7, sa St. Luke’s Medical Center sa Taguig City.
Nitong Miyerkules, September 9, nag-post siya ng larawan habang nasa hospital bed at karga-karga ang bagong silang na sanggol.
“Hello, Baby Matty!” simpleng caption ni Sheena.
Napuno ng mga greetings mula sa friends in the industry ang post ni Sheena. Kabilang dito sina Chariz Solomon, Ryza Cenon, Carla Abellana, at iba pa.
Noong April ipinaalam ni Sheena at ng hubby niyang si Atty. Jeron Manzanero na magkakaroon sila ng third baby.
Last June, nagkaroon sila ng small gender reveal at home. Gusto raw ng panganay ni Sheena na si Martina ay baby sister, pero baby boy ang bagong kapatid niya.
- Latest
