VP Sara nakapag-tree planting nitong 2026 kahit walang confidential funds

MANILA, Philippines — Kinuwestiyon ni Private Prosecutor Atty.Amando Virgil Ligutan sa ika-17th araw ng paglilitis sa Senate impeachment court sa sinabi ni  dating Office of the Vice President (OVP) Special Disbursing Officer (SDO) Gina Acosta na walang confidential funds si VP Sara sa taong kasalukuyan ay nakapagsagawa ito ng tree planting activity noong Agosto 13, 2026 sa Masibay Integrated School sa Nunungan, Lanao del Norte.

Ipinunto ni Ligutan na nagawa ng mabuti ni VP Duterte ang trabaho nito “with God blessing” na wala namang hindi magandang nangyari.

“And despite the absence of confidential funds god’s blessing nakapag-tree planting ang vice president,” ani Ligutan na tinutulan naman ni defense counsel Lindon Miguel Bacquel na iginiit na ang aktibidad noong 2026 ay hindi nakapaloob sa Articles of impeachment ng prosecution panel.

Binigyang diin naman ni Ligutan na ang punto niya ay upang ma-establisa na maari namang magsagawa ng tree planting kahit na walang confidential funds.

Nilinaw naman ni Presiding Officer Sen. Francis “Chiz “Escudero na nais lamang ni Ligutan na ma-establisa ang li­quidation ng confidential funds kabilang ang free rides, tree planting at iba pa.

Samantalang ng tanungin naman si Acosta kung may nalalaman ito sa 2026 tree planting activity, sinabi ni Acosta na wala siyang nalalaman ukol dito.