Mga pulis na online bashers ni Albayalde, pinaiimbestigahan
MANILA, Philippines — Pinaiimbestigahan na ni Philippine National Police Chief P/Director General Oscar Albayalde ang mga pulis na bumabatikos sa kaniya sa social media.
Ito’y matapos na mabasa ni Albayalde ang ilang mga comments ng mga pulis sa facebook page na Buhay Lespu kung saan binira ang ginawa nitong pag-iinspeksyon laban sa mga pulis na natutulog sa oras ng trabaho at maging ang mga nag-iinuman.
Sinibak rin ni Albayalde ang ilang mga opisyal dahil sa dumi ng kanilang mga himpilan.
Sinabi ni Albayalde na inatasan na niya ang PNP-Directorate for Information and Communications Technology Management para tukuyin ang mga basher niyang pulis.
Ikinagalit ni Albayalde, dating hepe ng National Capital Region Police Office (NCRPO) na nakasuot ng kanilang uniporme ang mga pulis sa araw pero sa gabi ay binibira ang pagiging istrikto niya sa trabaho kung gabi.
- Latest
















