Protective lang

CEBU, Philippines – Makaingon si Edward Barber nga masaypan usahay ang iyang reaction kun ugaling makita sa uban nga mura siya og magselos kun adunay laing lalaki nga makig-close sa iyang ka-loveteam naa si Maymay Entrata. “People might misunderstand my actions sometimes.

“I could say na protective ako kay Maymay”, suma pa ni Edward.

Sungog ra diay

Gilimod ni Yves Flores ang tsika nga matud pa na-crush siya sa iyang ka-loveteam nga si Maris Racal. Matud pa ni Yves nga niulbo lang ang maong hungihong nga aduna siyay pagtan-aw sa iyang katrabaho tungod kay kanunay siya nga sungugon ni Sue Ramirez. “Di ko alam kung saan galing iyong sinasabi ni Sue. Si Maris po, kaibigan ko po si Maris. Wala akong crush kay Maris. Si Maris kasi, hindi ko nakikitang magiging kami. Parang ganun. Tropa talaga, e”, pagtataw ni Yves.

Dili kahibalo

Sa kabulahan ni Regine Velasquez sa talento sa pagkanta ilabi na sa pagbirit, giangkon niya nga adunay usa ka talento nga wala gyud magasa ngadto kaniya. Matud pa ni Regine nga dili gyud siya  kamao mosuwat og kanta nga maoy nag-unang abilidad sa  iyang bana nga si Ogie Alcasid.

Naningkamot makahilak

Gibutyag ni Kim Chui nga pursigido gyud ang iyang co-star nga si Ryan Bang sa ilang pelikula nga “Da One That Ghost Away”. Matud pa ni Kim nga naninguha gyud kini nga mohilak aron makahibaw ang kadaghanan nga kamao sab diay siya nga mohilak atubangan sa camera. Gani, mihangyo sab kini og kissing scene apan wala kini matuguti sa direktor.

Lutuan ra og pagkaon

Tsika pa sa modelo nga si Clint Bondad nga ang bugtong sikreto niya aron molungtad  gyud og dugay ang ilang relasyon ni 2018 Miss Universe Philippines nga si Catriona Gray mao ang pag-andam og pagkaon niini. Gawas niana, gipaambit niya nga mas kinahanglan sab ang pagsinabtanay sa ilang mga prayoridad sa  kinabuhi.”Just keep it simple and do your own task, work on your own career and I think she simply understands that she’s in that moment of her life right now,” suma pa ni Clint.

Markus sa MTV

Si Markus Paterson ang bag-ong recruit karon isip host sa MTV Philippines. Ang 19 anyos nga Fil-British aktor una nga naila dinhi sa Pilipinas human kini miapil og Pinoy Boyband Superstar.

Naapektohan ang uyab

Nangayo og pagsabot si Mark Herras sa mga tawo human nga nikatap og balik ang  iyang video scandal nga nigawas 12 ka tuig na ang nakalabay. Matud pa ni Mark nga naapektuhan pag-ayo niini ang iyang girlfriend nga si Wynwyn Marquez. “Siguro, just respect Wyn na lang, kumbaga huwag na lang idamay si Wyn sa issue. Maraming nagta-tag sa kanya, e. Si Wyn yung pinakanaiirita, naapektuhan. Siguro, huwag na lang nila kumbaga… I’m sure hindi nila ako ni-respect nung nilabas nila yung video, so sana si Wyn, huwag na nilang idamay.”, suma pa ni Mark.

Trabaho ra

Gihimakak  nila ni Sue Ramirez ug Arjo Atayde nga nagselos ang ilang mga hinigugma  sa ilang tandem sa Hanggang Saan. Dugang pa ni Sue nga suod na sila ni Arjo ug walay angay kabalak-an tali nilang duha tungod kay magkatrabaho lang gyud ang pagtratar nila sa usa’g-usa.

Pagpaputol og buhok

Ang pagdala sa usa ka kontrabida role ang buot pasabot kun ngano nagpamubo sa buhok ang aktres nga si Jane Oineza. Matud pa ni Jane nga nabag-uhan siya niini tungod kay naandan niya nga taas siya og buhok. Gitataw sab niya nga dili sab angay nga kamahayan ang pagpamubo gumikan kay gikinahanglan gyud kini sa iyang role sa seryeng “Araw Gabi’.

Gipakilig ang fans

Gipakilig pagbalik nila ni Angelica Panganiban ug JM de Guzman ang ilang fans sa social media human nga na-upload ang ilang litrato nga hapit na nga maghawkanay. Miani og kapin 50,000 likes ang maong litrato . Kahinumdoman nga nataypan sa kadaghanan ang ilang  tandem human nagpares sila sa  pelikula nga “That Thing Called Tadhana”.