Patrick, Gipalaw ni Dennis

CEBU, Philippines — Tataw nga nitubag ang  Kapuso star nga si  Dennis Trillo human nitumaw  ang interview  kang Patrick Garcia nga naghisgot sa iyang kahimtang isip amahan ug sa iyang anak nga si Jazz.

Sa usa ka mubo nga post sa Facebook, miingon si Dennis nga dili siya pabor sa pagpang-bash.

“Hindi ako pabor sa bashing, pero salamat at naalala mo si Jazz dahil sa pag bash sa anak mo,” post pa ni Dennis.

Base sa mga obserbasyon, giingong tubag kini ni Dennis alang kang Patrick. Si Jazz mao ang anak nila Patrick ug aktres nga si Jennylyn Mercado. Sulod sa pipila ka tuig, si Dennis ang nagsilbing amahan ni  Jazz. Sa interview ni Patrick kang  Ogie Diaz, gipatin-aw ni Patrick nga nakahukom siyang mosulti sa iyang bahin human nasakitan ang iyang anak nga si Michelle tungod sa mga negatibong komento sa social media.

Nagkanayon si  Patrick, iyang anak mismo ang misulti kaniya nga nasakitan siya tungod kay bisan sa maayong mga balita bahin kaniya, ang mga komento sa social media kasagarang napuno sa pag-bash nga may kalabotan sa iyang amahan.

Gipatin-aw usab ni Patrick nga gihigugma niya ang tanan niyang mga anak, lakip si Jazz. Matod niya, wala na niya makita ang iyang kamagulangang anak sukad pa niadtong 2017.

Bisan pa niini, nipadayag  si Patrick og kalipay nga adunay mga tawo nga nahigugma ug nag-atiman kang Jazz.

“Masaya ako kasi may nagmamahal kay Jazz… Pag may nakikita akong maraming nagmamahal kay Jazz, nakakatuwa… I’m happy for that and I commend that. I like seeing that,” matud niya.

Human sa maong interview , mikatap ang post ni Dennis ug daghang netizens ang mipakita og suporta kaniya ug sa iyang pamilya pinaagi sa mga positibong komento.

Samtang, mipagawas usab og statement  ang talent agency  ni Jennylyn, ang Aguila Entertainment, bahin sa isyu.

Suma pa niini,  adunay katungod ang matag usa sa pagpaambit sa ilang istorya sa plataporma nga ilang gusto, apan mas gipili ni Jennylyn nga dili na mokomento  bahin niini aron respetohon ang privacy  ug kalinaw sa duha ka pamilya.

Sa susama gihapon nga interview, giingong nitingog na pud si Patrick sa panagbuwag nila ni  Jennylyn kaniadto. Suma pa niya nga dili tinoud ang taho nga siya maoy namiya kang Jennylyn.

“Sa mga bashers na bina-bash ako, they hate me so much because they're saying na iniwanan ko si Jen. No, that's not true! Hindi ko iniwanan si Jen. And sa ibang mga bashers na nagsasabi na I was never there for Jen sa pregnancy niya, that's true. I was never there for Jen during her pregnancy, not because I didn't want to be there, but because she didn't want me to be there. So, ayun ang totoo. That's my story. This is the story I've been holding for 18 years na hindi ko sinasabi kasi, you know, baka makalimutan na lang. Baka, you know, move on na,” ni Patrick pa.