Rosales, Gonzalez magpinaksitay na
Workers wait for a container ship to dock at a port in Qingdao in eastern China's Shandong Province, Thursday, July 13, 2017. Growth in China's exports and imports accelerated for a second month in June in a positive sign for global demand and the country's own economy. Chinatopix via AP
CEBU, Philippines - Ang wa’y pildeng boksidor sa Omega Gym nga si Jesse Chris Rosales moatubang na sa labing dako nga away sa iyang karera sa dihang iyang sangkaon ang beteranong Mehikano nga si Jhonny Gonzalez alang sa WBC Latino super featherweight title karong buntag didto sa Chihuahua, Mexico.
Si Rosales wa’y pilde sa 22 ka away uban ang usa ka tabla, apan dili basta-basta nga misyon ang iyang sagubangon gumikan kay iyang banggaon usa man ka kanhi two-division world champion nga moaway pa gyud sa teritoryo niini.
Makalisang sab ang gibitbit nga 63-10 record ni Gonzalez diin 53 sa iyang mga daog pinaagi sa knockout.
Bisan pa man niini, ang kampo ni Rosales masaligon gihapon kaayo sa iyang tsansa nga pakuratan si Gonzalez.
“Panagsa ra ni na opportunity na gi-challenge ta og championship, sa Mexico pa gyud. We will try our best to grab this win,” matud pa ni Omega Pro Sports International Vice President Jerome Calatrava.
Si Rosales nga miabot sa Mexico upat ka adlaw ang milabay ug si Gonzalez parehong mitimbang og 125.6 pounds atol sa official weigh-in kagahapon.
“This will be the highlight of Rosales boxing career. He looks sharp and family iya inspiration for this fight,” dugang pa ni Calatrava.
Sa iyang bahin, si Rosales nagkanayon nga sayod siya kun unsa kalisud ang pagdaog kon moaway sa langyaw’ng dapit mao nang iyang buhaton ang tanan aron patikangkangon si Gonzalez sa 10 ka hugna nga binukbukay.
“I will try my best to make sure it won’t reach the 10th round. I won’t say what round I will stop him, but I will try my very best to stop him,” matud pa ni Rosales. (BANAT NEWS)
- Latest
