Wala mahadlok

CEBU, Philippines - Wala mahadlok si Nikki Gil sa giingong pagbalik sa iyang ex-boyfriend nga si Billy Crawford sa ASAP.  Okay lang kini kaniya basta dili lang gyud sila mag-uban og segment.

Melissa nakahilak

Giangkon ni Melissa Ricks nga nakahilak siya sa suporta nga iyang nadawat gikan sa iyang fans human siya niangkon nga nagsabak siya. Suma pa ni Melissa nga wala’y angay nga taguon sa iyang sitwasyon.

Hero maglisod og balik

Wala mosaler ang pagpangulitawo ni Hero Angeles sa usa ka TV network. Taud-taud na nga nawala si Hero sa showbiz ug usa sa gituohan nga rason mao ang iyang batasan nga dili masabtan. Produkto si Hero sa Star Circle Quest sa ABS-CBN niadto.

Dugang kaalam

Gibutyag ni  Zanjoe Marudo  nga andam siya nga makauban ang mga lig-ong komedyante sa showbiz  sa usa ka proyekto aron masukod pud  ang uban niya nga abilidad sa pagpakatawa. Pinaagi niini, madugangan ang iyang kaalam sa natad sa komedya.

Ryan nakatabang

Dako matud og kontribusyon si Ryan Bang aron dili malaay ang viewers  sa seryeng Hawak Kamay sa ABS-CBN. Suma pa sa bida niini nga si Piolo Pascual nga nagkasuod na sila ni Ryan gumikan sa maong serye.

Bea interesado sa ABS-CBN?

Mitumaw karon ang mga istorya nga interesado si Bea Binene nga mobalhin sa ABS-CBN. Apan maglisod pa og buhat si Bea niini gumikan kay nakakontrata pa siya sa GMA-7.

Dili ka level

Giingong pipila sa mga reklamo  ni Aljur Abrenica sa GMA-7 mao ang pagkalakip niya sa mga serye kung diin nahimo lang niya nga ka level ang mga bag-ong artista. Matud pa nga gusto sa aktor nga mo-level up na ang iyang career. Samtang niisa ang mga kilay sa gibuhat ni Aljur gumikan kay matud pa, wala kini utang kabubut-on sa maong network.

Misibat human  sa session

Gitinuod gyud ni Kongresista Lani Mercado ang iyang gisulti nga dili niya tambongan ang State of the Nation Address ni Presidente Noynoy  Aquino. Pagkahuman og tambong ni Lanie sa opening session sa kongreso, niuli dayon kini deretso ug giisnab niya ang SONA ni PNoy. Wala mahimuot si Lani sa administrasyon ni PNoy human napriso ang iyang bana nga si Sen. Bong Revilla Jr. gumikan sa pagkalambigit sa pangalan niini sa pork barrel scam.

Marian naluOy sa uyab

Giangkon ni Marian Rivera nga naluoy siya sa iyang boyfriend nga si Dingdong Dantes human nakatilaw og sipa nga sagpa gikan sa kamot ni Maricel Soriano alang sa mga eksena nila sa seryeng Ang Dalawang Mrs. Real.  Tsika pa ni Marian nga parti  lang kini sa trabaho busa dili kini big deal kaniya.

Mark isip Pres. Marcos

Si Mark Bautista ang nakaangkon sa role nga  Ferdinand Marcos sa  London rock musical nga nagkutlo sa kinabuhi ni  Imelda Marcos. Suma pa sa singer nga dako kini nga hagit kaniya gumikan kay kinahanglan gyud nga mahatagan niya og hustisya ang iyang role.

Charice nagmalaumon gihapon

Nagpa-tattoo si Charice sa iyang pulso ug gipahinungod niya kini ngadto sa iyang inahan nga si Raquel Pempengco.  Nanghinaut si Charice nga magkatingog na sila sa iyang inahan. Ang pangalan nga Raquel maoy nakabutang sa pulso sa singer. Kahinumduman nga nagsugod ang ilang panagsungi human wala makauyon ang inahan ni Charice ngadto sa iyang uyab nga si Alyssa Quijano.

Sandara gimingaw og pelikula

Gimingaw na si Sandara Park sa pagbuhat og pelikula dinhi sa Pilipinas. Dili gyud makalimtan ni Sandara ang pelikula nila ni Hero Angeles niadto nga Because of You sa Star Cinema.

“Unfortunate  incident”

Nakadawat na og kopya sa reklamo ni Aljur Abrenica ang GMA Network kagahapon. Dungan niini, gipadayag sa network nga tubagon nila kini ngadto sa korte. Kahinumduman nga sa nilabay nga semana niduso og reklamo si Aljur sa korte aron makabuhi na siya sa iyang kontrata sa GMA7 nga karong 2017 pa matapos. Katarungan ni Aljur nga dili na magtukma ang mga plano sa GMA7 ug ang iya mismong buot mahitabo sa iyang career.

Sa pamahayag nga giluwatan sa GMA7 kagahapon, gihulagway niini nga “very unfortunate” ang nahitabo gumikan kay “GMA has greatly invested on Aljur, who is one of its prime artists.”

Suma pa sa network, wala sila magkuwang sa pagdumala sa career ni Aljur, diin kunsultahon matud pa nila kini kabahin sa mga lakang nila para kaniya aron masiguro nga nagkasinabtanay sila.

Gihatagan usab matud pa sa GMA7 og daghang projects si Aljur.

“Aljur is a home-grown GMA talent who was discovered through the reality search, Starstruck, in 2007.

Since then, he has been given numerous projects including Dapat Ka Bang Mahalin?, All My Life, The Last Prince, Machete, Coffee Prince, Prinsesa ng Buhay Ko and Kambal Sirena.”

Naningkamot usab matud pa ang network aron makaangkon og  “major endorsements and corporate partnerships” si Aljur.

JM mitingog na

Giklaro ni JM de Guzman nga dili  si Jessy Mendiola maoy rason nga na-depress siya niadto nga maoy rason nga nawala siya sa showbiz sulod sa taas nga panahon.

Suma pa sa aktor nga dakong parti sa iyang kinabuhi ang iyang ex- girlfriend nga si Jessy busa panalipdan gyud niya ang pangalan niini. Kahinumduman nga nasulod si JM sa rehabilitation center gumikan sa pagkagumon niya sa ginadiling drugas. Nasayran nga nabanhaw na karon ang career sa aktor ug gisaad niya nga magtinarong na siya sa iyang trabaho.

Dugang sex  video nikatap?

Wala panumbalinga sa TV host nga si Paolo Bediones ang sex scandal nga nagduhig sa iyang ngalan ug imahe karon, human kini nikatap niadtong nilabay nga Domingo.

Padayon gihapon si Paolo sa iyang responsibilidad para sa TV5, usa na niini ang pag-anchor sa Aksyon Tonite niadtong Lunes. Una niini, nag-post pa si Paolo sa iyang IG account nga nagkanayon:“Getting ready for Aksyon Tonite. I am truly blessed to have a family like mine. Solid friends around me and supporters who are there no matter what. Overwhelming love. Life goes on. On air in a bit.”

Samtang ang mga babaye nga nalambigit sa maong video, hugtanon na nga nanghimakak kabahin niini.

Apan ang tsika sa nagkadaiyang websites ug forums mao nga, sinugdanan pa lamang ang nikatap nga sex video sa nilabay nga adlaw. Suma pa, aduna pay laing duha nga inanay na karon nga nagbaha sa internet.

Wala pay pamahayag si Paolo kabahin niining nahisgutan nga sex video nga gipistahan sa mga netizen.

Una niini, mga duha na ka semana ang nilabay, napatik sa www.getitfromboy.blogspot.net. nga giangkon ni Paolo ngadto sa usa ka movie reporter nga “adventurous” matud pa siya atubangan sa camera ug may sex video siya kauban ang usa ka female star. Apan sigurado si Paolo nga giguba sa babaye ang nahisgutang video nilang duruha.

Lisod tumpagon

Aminado si Gerald Anderson nga dunay mga tawo nga nagkatawa sa relasyon nila ni Maja Salvador. Apan giklaro ni Gerald nga dili siya magpadala niini gumikan kay  lisod gyud tumpagon ang gugma niya kang Maja.

Sarah ang Most Beautiful Star!

Ang Pop Princess nga si Sarah Geronimo maoy naa sa cover sa Yes! Magazine's Most Beautiful Star karong tuiga. Pormal kining gipahibawo kagahapon sa hapon atol sa usa ka press conference.

Kahinumduman nga nagtabla sa maong titulo sa miaging tuig ang Kapamilya stars nga sila si Kathryn Bernardo ug Julia Montes.

Ang nangagi nga mga artista nga naghupot sa titulo nga Most Beautiful Star naglangkob nila ni  Judy Ann Santos (2007), KC Concepcion (2008),Marian Rivera (2009), Kim Chiu (2010), Anne Curtis (2011) ug John Lloyd Cruz (2012).

Nganong nakahilak si Kris?

Emosyonal si Kris Aquino samtang naminaw sa State of the Nation Address (SONA) sa igsuon niya nga si Presidente Benigno Aquino III sa miaging adlaw.

Suma pa sa TV host nga dili malikayan nga maghuna-huna gyud siya sa seguridad ug sa panglawas sa presidente.

Kini human nahisguti ni P-Noy ang nahitabo niadtong 1987 ubos sa administrasyon sa iyang inahan nga si President Cory Aquino kung diin dunay nisuway og kutlo sa iyang kinabuhi.

Nagkaduol na usab ang 31st death anniversary sa nipanaw niya nga amahan nga si kanhi  Senator Benigno "Ninoy" Aquino Jr. karong August 21.

"Nung na-mention niya yung 'pangalawang buhay.' Siyempre naman, kapatid namin siya.

“Every night, ipinagdadasal namin ang kalusugan niya, na ma-guide siya ng Holy Spirit," suma pa ni Kris.

Kahinumduman nga nahisgutan usab sa presidente ang bomb threats nga nadawat niya.

“Ayaw naming naririnig yung mga sinasabi niya kung hanggang dito na lang. Gusto ko umabot siya sa point na yung mga anak ni Bimby, maabutan pa niya,” nagkanayon ang TV host.