Title defense ni Dapudong giplano

Giplano na dayun og sayu ang title defense sa bag-o lang gikoronahan nga IBO bantamweight champion Edrin 'The Sting' Dapudong kinsa bag-o lang naabot sa nasud human sa malampuson niyang kampaniya didto sa South Africa.

Si Dapudong misakmit sa kalibutanong bakus human niya gipahayang sa first round ang South African nga si Gideon Buthelezi. (LPM)

Splitter mobiya sa Spurs?

Posible nga magsul-ob og laing uniporme ang Brazilian center nga si Thiago Splitter kinsa mahimo nang free-agent tungod sa pagkahupas sa iyang kontrata sa San Antonio Spurs.

Si Splitter kinsa usa sa mga gikasaligang bigman sa Spurs, gikataho nga nakadawat na og pipila ka mga tanyag gikan sa ubang NBA teams nga interesadong mukuha niya. (LPM)

Black maniid sa mga kontra

Ang legendary PBA coach nga si Norman Black maoy gitahasan nga maniid isip Smart Gilas scout ngadto sa ubang  Asian teams nga ikasangka sa national team sa nagsingabot nga 27th FIBA Asia Championship sa Agosto didto sa Manila.

Si Black molarga paingun sa Taiwan diin ipahigayun ang William Jones Cup nga mao usab ang torneyo nga wala gipasalmut ang Smart Gilas tungod usab sa padayung kasungian niini sa nasud sa Taiwan. (LPM)

Broner daog batok Malignaggi

Milampos si undefeated American champion Adrien Broner sa pagsakmit sa iyang ikatulong world title sa tulo ka managlahing dibisyon human niya gipilde pinaagi sa spalit decision si Paulie Malignaggi kagahapon didto sa Brooklyn New York.

Si Malignaggi misakmit sa WBA title sa una niyang pagsaka sa welterweight division human usab niya harii ang lightweight ug super featherweight division. (LPM)