Paano mag-move on?

Dear Dr. Love,

Ako po si Amore. Tatlong taon kaming magkasama ng aking boyfriend, pero nitong nakaraang buwan bigla na lang siyang nakipaghiwalay. Ang dahilan daw ay gusto niyang mag-focus sa career niya. Ang masakit, nakikita ko pa rin siya sa social media na masaya kasama ang mga bagong kaibigan. Hindi ko alam kung paano ko tatanggapin na wala na siya, kasi mahal ko pa rin siya. Paano po ako makakalimot at makaka-move on?

Amore

Dear Amore,

Ang sakit ng hiwalayan ay parang sugat—hindi agad naghihilom, pero gumagaling sa tamang panahon. Huwag mong pigilan ang emosyon. Umiyak kung kailangan, dahil bahagi ito ng proseso ng paghilom.

Iwasan mo rin ang social media stalking. Ang patuloy na pagtingin sa buhay niya ay lalo lang magpapahirap. Bigyan mo ang sarili ng distansya. Alagaan mo ang sarili at mag-focus sa kalusugan, hobbies, at mga kaibigan na tunay na nagmamahal sa’yo. Subukan mo ang mga bagong aktibidad, kilalanin ang ibang tao, at palawakin ang mundo mo.

Tandaan mo na walang shortcut sa healing. Pero dara-ting ang araw na mas makakaya mo nang ngumiti nang walang kirot.

Dr. Love