Pangisip gibalibud-libod aron gayud mapuga
- MAMUGNAONG TAMING () - May 29, 2011 - 12:00am

Gisugdan ko na lawom nga paghunahuna

Gigahin ko tanan lakip daginutong takna

Pangisip gibalibud-libod aron gayud mapuga

Sa pagtutok unsaun ka pag-umol ug paghulma...

Matag gabii ako nagmata taliwala sa kabugnaw

Bisan paman tawag sa lawas wala gani gipaminaw

Aron lamang aduna’y ikadalit nga tagbaw sa kahidlaw

Sa gipang-uhaw, intap nga utok mao’y pana ug bangkaw...

Dili lalim ang pagpanukad ug pagmugna kanimo

Pulong nga haum sa mga katigulangan akong gitino

Gikablit ko na tanang kublan ug maalamong tawo

Aron matugkad ko, mipasilong sa ilang mga anino...

Kwedawo baya unya, sa tinukmuray pangos ang mahiaguman

Sa pagpakisusi punay nga pasidaan sa duruha ko ka dunggan

Kay kuno magbinantayun sa agiang tunukong dalan kintu-kintohan

Basin uruy-uroy kapakyasang walay sama mao’y akong sanputan...

Kung duna man gayu’y makigharong ug mulalis sa bantawan

Apan dili usab ako pakupil ug makimlibasug aron panalipdan

Ang bililhon ug makahanganghang butang nga akong nasiplatan

Kay diha sa pagdukiduki, talagsaong bulawan akong hikaplagan...

APAN ARON BISAN DILI GIGAHIN GIKABLIT GISUGDAN KWEDAWO MATAG
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with