Sharmaine Arnaiz, veterinary doctor na!

CEBU, Philippines — Hingpit  na nga  usa ka veterinary doctor ang aktres nga si Sharmaine Arnaiz human nakapasar  sa Veterinarians Computer-Based Licensure Examination.

Base sa report sa PEP, nalakip  si Sharmaine o Sharmila Pribhdas Ochoa sa tinoud nga kinabuhi sa   1,083  nga nakapasar sa maong licensure examination nga gipahigayon sulod sa tulo ka adlaw, gikan Nobyembre 4 hangtod 6, 2026.

Gipagawas sa Professional Regulation Commission (PRC) niadtong Lunes, Nobyembre 9, ang opisyal nga resulta sa eksaminasyon.

Nakahuman   si Sharmaine sa kursong Veterinary Medicine sa De La Salle Araneta University sa Malabon City niadtong 2007. 

“Manila Matriarchs” sa iWANT

Upat ka Pinay socialites ang mopaambit sa ilang kalamposan, estilo sa kinabuhi ug mga kasinatian sa bag-ong reality series nga “Manila Matriarchs,” nga makita na  sa iWant.

Nalakip  sa programa  sila Joanna Preysler-Francisco, Myrza Sison, Karylle Tatlonghari ug Trisha Bantigue-Tsao.

Si Joanna nailhan isip Manila art queen, si Myrza isip fashion editorial royalty, si Karylle isip multi-awarded actress ug singer, samtang si Trisha kay usa ka CEO sa dakong  negosyo.

Gihimo ang reality series sa award-winning producer nga si Cece Asuncion, kauban ang Girl Bye Productions Inc. ug Lucca Creatives.

Mabdos si Luningning

Puwerting lipaya sa 43 anyos nga kanhi Wowowee dancer nga si Lea Carla Santos, nga mas nailhan sa ngalan nga Luningning gumikan kay mabdos siya ug mao kini ang una niyang  anak.Suma pa niya nga  makahuluganon kaayo ang grasya  nga iyang nadawat, gumikan  kay dugay na niyang damgo nga mahimong inahan.Nabantog si Luningning isip usa sa mga sikat nga dancer sa Wowowee kaniadto , diin kauban niya sila Milagring ug Mariposa.

SCQ  batchmates

Nibalik sa hunahuna ni Jorros Gamboa ang mga kaagi niya sa  pagsugod niya  sa showbiz human niya nahimamat  pag-usab ang  pipila niya ka  kauban kaniadto sa Star Circle Quest.Suma pa ni Joross nga nagkatapok sila og balik nila ni  Melissa Ricks, Jason Abalos, Raphael Martinez ug K-pop star Sandara “Dara” Park. Nag-abot sila sa nagkadaiyang birthday celebrations .

Gipaambit  ang premyo

Gibutyag  sa aktres nga si Jenn Rosa nga regular siya nga naghatag og donasyon sa ilang simbahan ug dunay pud siya’y gihatag sa Save the Children Philippines. Suma pa sa aktres nga iyang gipaambit ang nadaog niya kaniadto sa Rainbow Rumble nga P1 million.

Maki, mi-renew sa ABS-CBN

Andam na ang OPM singer-songwriter nga si Maki sa mas daghang proyekto human siya mi-renew sa iyang kontrata sa ABS-CBN Music.

Sa contract signing ug trade launch nga nag-ulohan  og “Into the White: A Space for Everything Yet to Come,” gibutyag  ni Maki ang pipila sa iyang mga plano alang sa 2027, lakip ang umaabot niyang EP nga “KOLORCOASTER Shades” ug deluxe album nga “KOLORCOASTER Hue.”

Nagpasalamat usab ang singer sa pagsalig ug suporta nga iyang nadawat gikan sa ABS-CBN Music, nga nakatabang kaniya sa pagpadayon sa iyang mga pangandoy sa musika.

Mitambong sa contract signing sila ABS-CBN president ug CEO Carlo Katigbak, COO Cory Vidanes, ABS-CBN Music and Integrated Events head Roxy Liquigan, ABS-CBN Music creatives, content and operations head Jonathan Manalo, ug Tarsier Records label head ug One Music Management OIC Marey Garcia.

Lakip sa mga plano alang kang Maki mao ang pagpadayon sa iyang “KOLORCOASTER” world tour sa 2027. Moadto kini sa Auckland, New Zealand ug Sydney, Melbourne  Perth sa Australia karong  Abril. Aduna usab kini  mga konsiyerto sa Estados Unidos ug Canada. Gipahibalo usab niya ang iyang dakong konsiyerto nga “KOLORCOASTER: One Last Ride,” human sa malampuson ug sold-out nga “KOLORCOASTER” ug “KOLORCOASTER: One More Ride” shows.

Gawas sa musika, ilusad  usab ang iyang lifestyle store nga “Kilala,” bag-ong collectible items ubos sa Kimerch, ug ang opisyal niyang lightstick nga ginganlan og Taladorki alang sa iyang fans nga gitawag og Zushis.

Samtang, nakadawat si Maki og unom ka awards gikan sa Philippine Association of the Record Industry (PARI) .

Lakip niini ang Platinum Record alang  sa “Namumula,” Double Platinum Record alang sa “Kahel na Langit,” Triple Platinum Record alang  sa “Saan?,” Gold EP alang  sa “Tanong,” Gold Album alang  sa “KOLORCOASTER,” ug Diamond Record alang  sa “Dilaw.”

Harper’s BAZAAR Thailand Heart, pasok sa listahan sa Women of The Year 2026

Motambong ang aktres ug fashion icon nga si Heart Evangelista sa awarding ceremony sa Harper’s BAZAAR Thailand Women of the Year 2026 nga ipahigayon  sa Sphere Hall, EMSPHERE  sa Thailand karong Nobiyembre 18.

Sa pahibalo sa fashion magazine pinaagi sa social media, gipahibalo  niini ang listahan sa mga  personalidad nga nalakip  sa maong pasidungog.

Kauban ni Heart sa listahan kay sila  MINNIE sa K-pop group nga (G)I-DLE, ingon man ang Thai stars nga sila Keng Harit, Namping Napatsakorn, Engfa Waraha, Bow Maylada, Becky Armstrong, Chompoo Araya ug uban pa.

Tumong sa maong kalihokan ang pagsaulog sa mga istorya, kalampusan ug kontribusyon sa mga babaye nga nagsilbing  inspirasyon sa kadaghanan.