^

Banat Balita

Karaang taytayan sa Tuburan nahugno

Jonnavie Villa - Banat

CEBU, Philippines — Karaang taytayan sa Barangay Poblacion 2 nga nagkonektar sa Barangay Daan Lungsod  sa lungsod sa Tuburan, nahugno niadtong Domingo sa gabii, Oktobre 25.

Wala hinuoy natala o na –report nga dunay nasakitan sa maong pagkahugno ug pagkatagak sa estraktura ngadto sa tubig.

Apan gipahimangnoan sa lokal nga kagamhanan sa Tuburan ang publiko nga magpalayo sa Old Suba Bridge tungod sa posibilidad nga mahugno pa gyud ni.

Sa gipagawas nga public safety advisory, giawhag sa munisipyo ang mga residente nga di magpaduol lima ka metros gikan sa maong taytayan.

Matud sa lokal nga kagamhanan, nahibalo na ang Department of Public Works and Highways (DPWH) sa kahimtang sa tulay ug nangayo na kini og dali nga aksiyon gikan sa ahensiya.

Gipasabot sa munisipyo nga hagbay ra nga wala gamita ug wala gipagamit ang maong taytayan sa taga DPWH sukad nahuman ang bag-ong taytayan sa maong lugar mga tuig 2015.

Matud pa dugay na sab nila gihangyo ang DPWH nga demolison na ang daang estruktura gikan pa sa panahon ni kanhi mayor Democrito “Aljun” Diamante ug atong Pebrero 7, 2025 giusab nila og hangyo ang departamento.

Karon nga nahugno na hinuon kini, subli silang nanawagan sa DPWH nga tubagon ang ilang hangyo para sa kaluwasan sa publiko. (BANAT NEWS)

NEWS

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with