“Queen of the Islands” Pageant, promosyon sa pelikulang “Red Crown”

CEBU, Philippines —  Nabutyag na ang sekreto sa viral nga “Queen of the Islands” pageant. Gi-anunsyo sa GMA Pictures nga ang maong indigay  kabahin diay sa pagmugna og kisaw sa umaabot nga satirical comedy film nga “Red Crown.” Sulod sa pipila ka semana, nahimong viral sa social media ang mga kandidata, pasarela videos, posters ug dako nga cash prize sa “Queen of the Islands,” hinungdan nga daghang pageant fans ang misuporta ug nagpili sa ilang paboritong kandidata.

Si Dominic Zapata ang direktor niini ug gisulat kini nila Kit Villanueva ug Ken de Leon.

Ang mga bida niini kay ang pageant queens ug Sparkle stars nga sila Yana Aduana, Alethea Ambrosio, Ara Arida, Herlene Budol, Skye Chua, Faith da Silva, Michelle Marquez Dee, Haley Dizon, MJ Encabo, Shuvee Etrata, Gazini Ganados, Rein Hillary, Maika Kemmochi, MJ Lastimosa, Aira Lopez, Sanya Lopez, Ahtisa Manalo, AZ Martinez, Ashley Ortega, Vanessa Peña, Sandy Riccio, Jade Tecson, Tarah Valencia, Yna Angela Uy, ug  Yza Thalia Uy. Ang “Red Crown” nga ubos sa GMA Pictures kay  ipasalida sa mga sinehan  karong Oktubre.