^

Banat Balita

Archival giakusan ni Osmeña nga number one violator sa trapiko

Preciosa L. Bacalso - Banat

CEBU, Philippines — Giakusahan ni Bise Mayor Tomas Osmeña si Mayor Nestor Archival, Sr. nga maoy “number one violator” sa lagda sa trapiko.

Natuki kini atol sa executive session kagahapon samtang gisusi sa konseho sa Dakbayan sa Sugbo ang kontrobersiyal nga implementasyon sa Oplan BANTAL Discipline Zone sa Banilad-Talamban corridor.

Gihisgotan ang nahitabong dry run sa bag-ong traffic scheme nga istriktong gipatuman sa Cebu City Transportation Office niadtong Agosto 5 ug 6, 2026 sa BanTal Road.

Matud ni Konsehal Pastor “Jun” Alcover, Jr nga daghang nangreklamo’ng mga motorista, habal-habal drivers, establisamento ug opisyales sa barangay tungod kay walay gipahigayon nga konsultasyon ug dili maayo ang epekto sa implementasyon.

Apan nipadayag ang bise mayor nga ang mayor ang nag-unang malapason sa balaod sa trapiko diin matud pa niya nga dili mahimong epektibo ang bag-ong sestema sa BanTal corridor kong ang labing taas nga opisyal sa siyudad ang mismo ang nilapas sa lagda.

Gipadayag ni Osmeña nga nakadawat siya og mga mensahe nga nangutana nganong ang ordinaryong motorista kinahanglang mosunod sa balaod samtang ang mayor giingong makalusot-lusot pinaagi sa daghang motorcycle escorts.

Giapil usab ni Osmeña ang ubang VIPs ug mga ambassador lakip na ang pares ni Archival nga si Dara nga adunay motorcycle escorts.

“This is insulting to the public. Then we tell the public you have to have discipline, pero naa’y pili-pili. If you want to instill discipline, the example should be set from above”,  matud ni Osmeña.

Gitubag ni CCTO Assistant Department Head Kent Jongoy ang mga pasangil sa bise mayor diin matud niya nga walay record ang ilang opisina nga nagpakita nga nakalapas si Archival sa lagda sa trapiko sa BanTal corridor.

Matud ni Jongoy nga ang mayor mosunod sa traffic lights, pedestrian crossings ug aktibong nagpalambo sa kampaniya pinaagi sa paggamit sa public address system aron pahimangnoan ang mga motorista ilabina ang mga rider nga kinahanglang mosunod sa motorcycle lane. Si Konsehal Sisinio Andales nikwestiyon kon gitugotan ba ang mayor nga adunay daghang motorcycle escorts, si Jongoy nagkanayon nga walay record ang ilang buhatan tungod kay dili na kini sakop sa CCTO ubos kini sa Office of the Mayor.

Sa pagbukas sa executive session, giklaro ni Alcover nga ang katuyoan sa pagtuki sa Oplan BanTal diin gusto lang niya nga mangayo og katin-awan kong aduna ba’y konsultasyon sa stakeholders.

 Ug matud sa konsehal nga dili niya tumong nga mopasangil kang bisan kinsa. Caecent N. Magsumbol, BDB BANAT NEWS

TRAPIKO

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with