SEAPYG opisyal nang inilunsad

MANILA, Philippines —   Opisyal nang inilunsad ang Southeast Asian Plus Youth Games (SEAPYG) sa isang magarbong aktibidad noong Sabado sa seremonya para sa natatanging multi-sport competition na pakikinabangan ng mga batang atleta sa bansa at maging sa buong rehiyon at Asya.

Nakatakda ang 2027 SEAPYG sa Disyembre 2 hanggang 14 kung saan idaraos ang 23 sports events sa Manila, Pasig City, Tagaytay City at Subic. “Where do our young athletes go to grow?,” ani Philippine Olympic Committee (POC) at SEAPYG founding president Abraham “Bambol” Tolentino sa paglulunsad ng event.

“Between the playgrounds where dreams are born and the grand arenas of the Asian Youth Games and Youth Olympic Games lies a gap our region needs to bridge.” dagdag nito: Ang SEAPYG ay para sa mga batang atletang may edad 16-anyos pababa na kakatawan sa Olympic Movement. Tinanggap ni Tolentino ang mga panguna-hing National Olympic Committee at embassy officials mula sa 15 bansa sa nasabing okasyon. Sasalang ang mga atleta mula sa 28 bansa 11 dito ay mula sa Southeast Asia at 17 galing sa kontinente—sa 23 sports na nakalatag sa apat na clusters, ayon kay Ramon “Tats” Suzara, ang president at CEO ng Local Organizing Committee. “With 23 sports and four clusters, we will be able to be at par with international standards in different sports,” wika ni Suzara na ang prayoridad ng SEAPYG hosting ay ang magamit ang mga sports facilities ng Philippine Sports Commission (PSC).

“This is one of the strong agreements with President Bambol and [PSC] chairman (Patrick) Pató Gregorio,” dagdag nito. Bago ang paglulunsad ay nagkaroon muna ng Executive Council Meeting kasunod ang pagbisita ng mga delegasyon sa mga pasilidad sa Rizal Memorial Sports Complex at sa SMXCITE o ang SMX Center for International Trade and Exhibitions.

Kasama sa mga aktibidad ang gala dinner at cultural presentation na pinuri ng mga delegado ng Qatar, Chinese-Taipei, Bhutan, Japan, Kuwait, Nepal, Maldives, Malaysia, Macau, Kyrgyzstan, Bahrain, DPR Korea, India, Pa-lestine, Saudi Arabia, Jordan, Australia, New Zealand, Fiji at Turkmenistan. Ang SEAGPYG program ay binubuo ng mandatory sports, athletics at swimming, 12 Olympics sports, limang non-Olympics sports, isang traditional at para athletics at swimming. Ang iba pang sports ay ang arnis, taekwondo, judo, billiards, dancesport, fencing, jiu-jitsu, karate, mixed martial arts at wrestling na lalaruin sa SMXCITE; 3x3 at 5x5 basketball sa PhilSports Complex pati na ang aquatics at athletics; boxing, tennis at gymnastics sa RMSC; golf, speed cubing at skateboard sa Tagaytay City; at triathlon sa Subic.