Marcos: ‘Pag may napatay na Pinoy sa West Philippine Sea, Mutual Defense Treaty gagamitin
MANILA, Philippines — Tiniyak ni Pangulong Ferdinand Marcos Jr. na gagamitin ng Amerika ang Mutual Defense Treaty (MDT) sakaling may mapatay na servicemen dahil sa pagiging agresibo ng China sa West Philippine Sea (WPS).
Sinabi ni Marcos sa FOCAP forum na mismong si US Secretary of State Lloyd Austin ang nagtiyak sa kanya na gagamitin ang MDT.
Kahit na maritime militia pa anya ang makapatay sa tropa ng mga Filipino ay gagamitin din ang MDT.
“As long as they have caused casualties. Whatever their designations are, it does not matter, that is an attack to the Philippines,” pahayag ni Marcos.
Lumalala na ang tensyon sa West Philippine Sea dahil ilang beses nang hinaharang ng Chinese Coast Guard ang mga barko ng Philippine Coast Guard na nagsasagawa ng resupply mission sa BRP Sierra Madre sa Ayungin Shoal.
Taong 1951 nang lagdaan ng Pilipinas at Amerika na nangakong idi-depensa ang isat isa sakaling may agresyon o armed attack sa Pacific region.
- Latest
