Peralta, itinalagang PNP officer- in-charge

Acorda out na

MANILA, Philippines — Sa pagreretiro kahapon, Marso 31 ni outgoing Philippine National Police chief Benjamin Acorda Jr., itina­laga naman bilang officer in charge ng Pambansang Pulisya si Police Lt. Gen. Emmanuel B. Peralta.

Isasagawa ngayong araw ng Lunes alas-9 ng umaga ang Change of Command at retirement honors para kay Acorda sa PNP Grandstand, Transformation Oval sa Camp Crame.

Si Peralta ay naglingkod bilang Deputy Chief for Administration (TDCA) ng PNP at dating PNP chief ng Directorial Staff. Nagsilbi rin siya bilang Director of Operations (DO) at dating Director ng PNP Directorate for Human Resource and Doctrine Development (HRDD).

Bukod dito ay naging Regional Director din siya ng Police Regional Office (PRO) 1 o Ilocos Region at naging Provincial Director ng Cotabato Police Provincial Office (PPO).

Nakatakda namang mag­retiro si Peralta sa Agos­to 24, pagsapit ng kanyang retirement age na 56-anyos.

Tiniyak naman ni Peral­ta na pananatilihin niya ang magandang imahe ng PNP at patuloy na magsisilbi sa publiko.