Feeds store owner pinatay, isinako!
Pinasok, hinataw ng helmet at sinakal
CAVITE, Philippines — Karumal-dumal ang sinapit ng isang may-ari ng feeds store na mahigit isang linggo nang nawawala matapos na matagpuang patay at nakasilid sa na isang sako sa isang lugar sa Brgy. Pooc, Silang, dito, kamakalawa.
Ayon sa Silang Police, ang pagkakadiskubre sa bangkay ng negosyanteng si Joseph Oliver Ilagan, nasa hustong gulang, residente ng nasabing lugar ay bunsod sa pagkakaaresto sa suspek na responsable sa krimen.
Kinilala ang suspek na si Nicolo Drew Andaleon alias “Niko”, 22-anyos, na nahaharap sa kasong robbery with homicide.
Sa imbestigasyon, Agosto 14, 2023 nang pasukin ng ‘di nakilalang lalaki ang tindahan ng feeds ni Ilagan.
Sa nakalap na CCTV footage, kitang kita rito ang pagpasok ng lalaki sa tindahan ng biktima at ang paglabas nito na bitbit ang isang puting sako.
Ayon kay Police Col. Ardie Bagaman, hepe ng Silang Police, hind umano agad naiulat ang pangyayari hinggil sa walang nakabatid sa insidente.
Makalipas umano ang may dalawang araw ng may matanggap silang ulat na may natagpuang isang patay na lalaki na nakasilid sa sako sa may Brgy. Pooc ng bayan ding ito. Wala pang pagkakilanlan sa biktima kung kaya blangko pa rin ang pulisya sa pagkakakilanlan sa bangkay nito hanggang sa may mag-report sa kanila hinggil sa nawawalang tao na may mahigit isang linggo na.
Positibo namang kinilala ng pamilya, na ang natagpuang bangkay na nakasako ay ang nawawalang si Ilagan.
Sa follow-up ng pulisya, nakakalap sila ng CCTV footage at dito nagkaroon ng linaw ang kirmen na nagbunsod sa pagkakatagpo sa bangkay na positibong nakilala na ito na ang nawawalang may-ari ng feeds shop hanggang sa matukoy at maaresto ang salarin.
Sa interogasyon, aminado ang suspek sa ginawang pagpatay sa biktima.
Ayon sa suspek, pinasok niya ang naturang shop upang pagnakawan subalit nakita siya ng biktima kung kaya agad niyang hinataw ng helmet sa ulo at nang bumagsak ay saka sinakal ang biktima hanggang sa malagutan ng hininga.
Upang maitago ang krimen, inilagay ng suspek sa sako ang bangkay saka itinapon sa Silang, Cavite.
- Latest
