Pangulong Marcos sinaksihan ang live fire drills ng Balikatan

MANILA, Philippines — Personal na sinaksihan ni Pangulong Ferdinand Marcos Jr. Marcos ang live-fire sea drills ng Pilipino at US Armed Forces sa Zambales bilang bahagi ng Balikatan Exercise.

Isinagawa ang drills may 2.8 kilometro mula sa Naval Education Training Doctrine Command (NETDC) sa San Antonio, Zambales kung saan lumahok ang US at ­Philippine combat units sa combined littoral live-fire exercise, na nagtapos sa field training event para sa Balikatan 2023.

Tinatayang 1,400 Marines, sundalo, marino, airmen at Coast Guardsmen mula sa dalawang bansa ang nakibahagi sa Combined Joint Littoral Live Fire Exercise na may kaugnayan sa pag-detect, pagtukoy, pag-target sa isang target na barko gamit ang iba’t ibang ground at air-based weapons systems.

Itinampok sa exercise ang US at Philippine weapons platforms na tumarget sa isang naka-decommissioned na Philippine Navy corvette na hinila sa karagatang sakop ng Pilipinas.

Ang bilateral wea­pons systems na ginamit sa war games ay binubuo ng US at Philippine artillery, High-Mobility Artillery Rocket Systems (HIMARS) at ng Avenger air defense systems.

Pinakilos din ang mga makabagong combat aircraft kabilang ang AH-64 Apache attack helicopter, Philippine Air Force FA-50 Golden Eagle fighter-attack aircraft, F-16 Fighting Falcons, U.S. Marine F-35B Joint Strike Fighters, at ang U.S. Air Force Special Operations Command ?AC-130 Spectre gunship.

Ang isa sa mga pinaka-inaasahang armas mula sa US arsenal ay ang HIMARS, isang full-spectrum, combat-proven, all-weather, ?24/7, lethal at responsive, wheeled precision strike weapons system.

Ang HIMARS ay isang C-130 air transportable wheeled launcher na naka-mount sa isang 5-toneladang Family of Medium Tactical Vehicles XM1140A1 truck chassis na nakatalaga sa Field Artillery Brigades.

Kabilang sa mga pangunahing opisyal ng Pilipinas na dumalo sina AFP Chief of Staff Gen. Andres Centino, National Security Adviser Eduardo Año, Zambales 2nd District Rep. Doris Maniquiz at Zambales Gov. Hermogenes Ebdane Jr.

Sa panig ng US, dumalo sina US Ambassador to the Philippines MaryKay Carlson, US Deputy Assistant Secretary of Defense for South and Southeast Asia Lindsey Ford, at US Exercise Director Lt. Gen. William Jurney.

Ang Pilipinas ay ­pangunahing kaalyado ng US at ang pinakamalaking tumatanggap ng tulong militar, kagamitan, at pagsasanay ng U.S. sa rehiyon.

Ang US-Philippines Mutual Defense Treaty ay nilagdaan noong 1951 at ito ang pinakamatagal na defense treaty ng America sa rehiyon ng Indo-Pacific.