Pinoy crew sa Japan, positibo sa nCoV
MANILA, Philippines — Isang Pinoy seaman ang nag-positibo sa novel coronavirus habang sakay ng Japanese cruise ship, ayon sa embahada ng Pilipinas.
Sa inilabas na impormasyon, isang Amerikano, dalawang Australian, tatlong Japanese, tatlo mula sa Hong Kong habang isang Pinoy crew member ang positibo sa naturang sakit.
Kasalukuyang nakadaong ang Diamond Princess cruise ship sa Yokohama port sa Japan at sumasailalim sa 14 days quarantine.
Kinumpirma naman ng Japan health ministry na 10 sa mga naka-quarantine ay may coronavirus na kaagad namang dinala sa ospital para imonitor.
Batay sa impormasyon, isang dating pasahero ng cruise ship ang nakumpirma na may sakit ngunit stable na ang kondisyon nito sa Hong Kong.
May lulan na 2,666 pasahero at 1,045 crew members ang nasabing cruise ship.
- Latest
